თურქეთის პოლიციამ ქვეყანაში მომუშავე რვა მოწინავე აქტივისტი დააპატიმრა, რომლებიც ადამიანების უფლებებს იცავდნენ. მათ შორისაა Amnesty International-ის თურქეთის ოფისის დირექტორი იდილ ესერი.

აქტივისტები სტამბოლში და მიმდებარე ქალაქებში დააკავეს. მათ შორის არიან გერმანიიდან და შვედეთიდან ჩასული ტრენერები, რომლებიც ორგანიზაციის ფარგლებში უსაფრთხოებაზე ვორქშოფს ატარებდნენ.

Amnesty-ს განცხადებით, პოლიციის რეიდები და დაკავებების სერია "აშკარად მიზეზების გარეშე" განხორციელდა, რაც ქვეყანაში მოქმედი უფლებადამცველების მიმართ საფრთხეს კიდევ უფრო თვალსაჩინოს ხდის. ორგანიზაცია თავისი თანამშრომლის დაუყოვნებლივ გათავისუფლებას ითხოვს.

უცნობია, სად არიან დაკავებულები. პოლიციამ თურქეთში 50 ათასზე მეტი ადამიანი დააპატიმრა ერთი წლის წინ განხორციელებული გადატრიალების მცდელობის შემდეგ.

შარშანდელი წარუმატებელი აჯანყების შემდეგ, თურქეთში კვლავ მოქმედებს საგანგებო მდგომარეობა, რომელიც მორიგი ვადით არჩეულმა პრეზიდენტმა, რეჯეპ ტაიპ ერდოღანმა, რამდენჯერმე გაახანგრძლივა.