ახალი ამბები On.ge

დემოკრატიის კვლევის ინსტიტუტი

2 Oct. 2023, 17:12

სახელმწიფო უსაფრთხოების სამსახურის დღევანდელი განცხადება სამოქალაქო სექტორზე თავდასხმის მორიგ მცდელობას წარმოადგენს. მიუხედავად იმისა, რომ მასობრივი საზოგადოებრივი პროტესტის ფონზე, ხელისუფლება იძულებული გახდა ე.წ. რუსული კანონპროექტი გაეწვია, სამოქალაქო სექტორის დაზიანების მცდელობები არ შეწყვეტილა. დღევანდელი განცხადებით, მმართველი პარტია მორიგ ჯერზე ცდილობს საზოგადოების შეცდომაში შეყვანას.

სახელმწიფო უსაფრთხოების სამსახურის 2 ოქტომბრის განცხადება წარმოადგენს ხელისუფლების მხრიდან შეკრებისა და გამოხატვის თავისუფლების შეზღუდვის მცდელობას. მსგავსი განცხადებებით, შესაბამისის უწყებები ცდილობენ შექმნან საფუძველი მომავალში საქართველოს კონსტიტუციით გარანტირებული საპროტესტო შეკრება-მანიფესტაციების თავიდან ასარიდებლად. გარდა ამისა, ხელისუფლების ძალადობრივი გზით დამხობის მცდელობის შესახებ განცხადებების წინმსწრებად გავრცელებით, მმართველი პარტია ცდილობს საზოგადოებრივი განწყობის შემზადებას აქციების ძალადობრივად დარბევისა და აქციების მონაწილეთა დაკავების შემთხვევებისთვის.

ხელისუფლების მცდელობა, შეავიწროოს თავისუფალი გამოხატვის სივრცე, კარგად ჩანს მმართველი პარტიის მორიგ ინიციატივაში, კიდევ უფრო დაამძიმოს შეკრებისა და მანიფესტაციების შესახებ საქართველოს კანონმდებლობით გათვალისწინებული შეზღუდვები. კანონის პროექტის მიხედვით, დემონსტრანტებს დროებითი კონსტრუქციების მოწყობა იმ შემთხვევაშიც ეკრძალებათ, თუ მისი მოწყობის გარეშე შეკრების ან მანიფესტაციის ჩატარება არსებითად არ ფერხდება.

DRI მიიჩნევს, რომ მმართველი პარტიის პოლიტიკა და დასავლელ პარტნიორებზე მიზანმიმართული შეტევა ხელს უშლის ქვეყნის ევროინტეგრაციის პროცესს: აღრმავებს პოლარიზაციას, უკიდურესად ზღუდავს და მინიმუმამდე დაჰყავს საზოგადოებრივ ორგანიზაციებთან თანამშრომლობის რესურსი და აუარესებს ქვეყანაში ადამიანის უფლებების დაცვის მდგომარეობას.

სახელმწიფო უსაფრთხოების სამსახურმა დღეს, 2 ოქტომბერს გამართულ ბრიფინგზე განაცხადა, რომ 2023 წლის 25 სექტემბერს საქართველოში USAID-ის პროგრამის ფარგლებში ჩამოვიდნენ სერბეთის მოქალაქეები, რომლებმაც ოქტომბერ-დეკემბერში დაგეგმილი "რევოლუციური სცენარისთვის" მოსამზადებელი ტრენინგები ჩაატარეს.

0 0

კომენტარები

კვირის ტოპ-5

  1. იტალიის პარლამენტი საქართველოზე რეზოლუციის მიღებასა და სანქციების წრის გაფართოებას გეგმავს4507 ნახვა
  2. "მე მაინც არ მგონია, რომ ევროკავშირი ამ დონეს არ იკადრებს" — დავით მათიკაშვილი ვიზალიბერალიზაციის შესაძლო შეჩერებაზე1618 ნახვა
  3. საქართველოში დამატებით 9 საეკლესიო დღესასწაული შესაძლოა, უქმე დღედ გამოცხადდეს1595 ნახვა
  4. რუსთაველის გამზირზე პოლიციამ, სავარაუდოდ, აქციის 2 მონაწილე დააკავა1272 ნახვა
  5. საქართველოს უთვალთვალებენ — შსს ტრამპის მიერ აკრძალულ კამერებს იყენებს1140 ნახვა

გირჩევთ

ახლა კითხულობენ

ტატო ახალკაციშვილის გამოფენა „კ(ქ)რონოსი“ მალე გაიხსნება — გამოფენის გენერალური მხარდამჭერია SOLO

1 მაისს, 18:00 საათზე ქართული სახვითი ხელოვნების მუზეუმში კონსტანტინე ბოლქვაძის კურატორობით, ტატო ახალკაციშვილის…

!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~