ევროპარლამენტის პრეზიდენტი მარტინ შულცი ტვიტერის გვერდზე წერს, რომ საქართველოს სავიზო ლიბერალიზაციის დაწესებისთვის ყველა ვალდებულება შეასრულა, ახლა კი პროცესი გაჭიანურების გარეშე უნდა გადაწყდეს.

დღეს, 7 მაისს, გიორგი მარგველაშვილი შეხვდა მარტინ შულცს. ევროპარლამენტის პრეზიდენტმა შეხვედრაზე განაცხადა რომ საქართველოს ვიზალიბერალიზაციის საკითხთან დაკავშირებით ევროპარლამენტში ერთიანობაა.

ასევე, ევროპარლამენტარი მარია გაბრიელი ტვიტერზე წერს, რომ პრეზიდენტ მარგველაშვილთან შეხვედრა ნაყოფიერი იყო, ვიზალიბერალიზაციის პროცესთან მიმართებით კი საქართველოსთან პარტნიორობა ძლიერდება.

საქართველოსთვის სავიზო ლიბერალიზაციის დაწესების საკითხს ტვიტერით ეხმაურება ლატვიელი ევროპარლამენტარი არტის ფაბრიკსიც. მისი თქმით, საქართველომ თავისი "საშინაო დავალება" უკვე შეასრულა და იმსახურებს უვიზო რეჟიმს:

10 ივნისს, საქართველოსთვის ვიზალიბერალიზაციის დაწესებაზე ევროკავშირის წევრი ქვეყნების შინაგან საქმეთა მინისტრები იმსჯელებენ.

ევროპასთან უვიზო მიმოსვლამდე გასავლელი დარჩენილი პროცედურები