ტეილორ სვიფტმა კიდევ ერთი რეკორდი დაამყარა და 29 აგვისტოს Spotify-ის ისტორიაში პირველი ქალი მუსიკოსი გახდა, რომელსაც თვეში 100 მილიონი მსმენელი ჰყავს. ამჟამად მსმენელების რაოდენობით პირველ ადგილს 110 მილიონით The Weeknd იკავებს.

ტეილორმა ბილბორდის ჩარტებშიც დაამყარა რეკორდი და Billboard Artist 100-ში პირველ ადგილას გადაბმულად 78 კვირა გაატარა. Billboard 200-ში კი, ტეილორის 10 ალბომი ერთდროულად მოხვდა.

Spotify-ზე რეკორდის დამყარება ტეილორის ალბომ Speak Now (Taylor's Version)-ის გამოსვლას მოჰყვა. მუსიკოსმა თავისი 6 ალბომის ახალი ვერსიების ჩაწერა რამდენიმე წლის წინ დაიწყო, რადგან მისმა ყოფილმა ლეიბლმა, Big Machine-მა, მომღერლის ჩანაწერების ნაწილი 2019 წელს გაყიდა. სვიფტი ძველი ალბომების განახლებულ ვერსიებს თავიდან უშვებს, რათა საავტორო უფლებები მხოლოდ მას ეკუთვნოდეს.

პოპვარსკვლავმა რამდენიმეწლიანი პაუზის შემდეგ მუსიკალური ტურნე მარტში წამოიწყო. ის ამჟამად ტურს სამხრეთ ამერიკაში აგრძელებს. ტურნე, სახელად The Eras Tour, მსოფლიო მასშტაბით 2024 წლის ჩათვლით გაგრძელდება.

იხილეთ ასევე: