And Just Like That-ში კერის ფისო ყველასათვის ერთ-ერთი საყვარელი პერსონაჟია. ახლახან კი სარა ჯესიკა პარკერმა ფანებს აცნობა, რომ ფისო იშვილა და მასზე რეალურ ცხოვრებაშიც იზრუნებს.

"კამერების მიღმა მისი სახელი ლოტუსია. პარკერების ოჯახს ფისო ოფიციალურად 2023 წლის აპრილში შემოუერთდა, ახლა ის რემისა და სმილასთან ერთად იცხოვრებს, რომლებიც 2022 წელს ვიშვილეთ. თუ მისი სახე გეცნობათ, ეს იმიტომ, რომ ის არის", — წერს სარა ჯესიკა პარკერი ინსტაგრამზე და ფისოს ფოტოებს აქვეყნებს.

თავშესაფარმა, რომელშიც აქამდე ლოტუსი იზრდებოდა, სარა ჯესიკა პარკერს მადლობა გადაუხადა. ლოტუსის შესახებ კი განაცხადეს, რომ მას კამერების წინ ყოფნა ძალიან მოეწონა და შოუში დარჩენაც გადაწყვიტა, ახლა კი სარასთან გააგრძელებს ცხოვრებას.

And Just Like That-ის მეორე სეზონის ფინალის პრემიერა 24 აგვისტოს შედგა. მაყურებელი მალე სერიალის მესამე სეზონსაც იხილავს, რომელშიც ლოტუსი ისევ კერის ფისოს განასახიერებს.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…