მანქანა უამრავი ჩვენგანის ყოველდღიური ცხოვრების განუყოფელი ნაწილია, რომლის გარეშეც სამსახურში სიარული, ქალაქგარეთ გასვლა, მეგობრებისა და ოჯახის წევრების მონახულება ძალიან გაგვიჭირდებოდა. მიუხედავად იმისა, თუ რამდენად კარგად უვლი ავტომობილს, ბუნებრივი ცვეთისა თუ მოულოდნელი სიტუაციების გამო ზოგჯერ პროფესიონალის დახმარებაც გჭირდება.

ავტომობილთან დაკავშირებული სერვისების მიღება ხშირად ნერვებისა და დროის ფლანგვასთან ასოცირდება. სწორედ ამ დისკომფორტის თავიდან ასაცილებლად არსებობს ციფრული პლატფორმა ვუვლი, რომელიც ავტომობილის გაუმართაობის აღმოფხვრისა და უსაფრთხოებასთან დაკავშირებულ ყველა სერვისს აერთიანებს. ვუვლის ავტოექსპერტი პრობლემას ადგილზევე მოაგვარებს, ხოლო თუ ეს შეუძლებელია, მანქანას შესაბამის სერვისცენტრში გადაიყვანს და მოგვიანებით სრულიად გამართულს ან შეკეთებულს დაგიბრუნებს.

ამ სტატიაში წარმოგიდგენთ 5 სერვისს, რომელიც ყველა ავტომფლობელს სჭირდება და ვუვლი მას შენ ნაცვლად გააკეთებს — შენ კი დროს სხვა საქმეებს მოახმარ:

1. გზაზე დახმარების სერვისი

ავტომობილთან დაკავშირებული პრობლემები სასიამოვნო არასდროსაა, მაგრამ ნებისმიერი უსიამოვნება უფრო მწვავედ გვეჩვენება, როცა ის გზაში ყოფნისას მოულოდნელად გვემართება. სწორედ ასეთი სიტუაციებისთვის აქვს ვუვლის გზაზე დახმარების სერვისი, რომელიც საწვავის ადგილზე მიწოდებას, საბურავის დაბერვას ან შეცვლას, ავტომობილის ელექტრომაერთებელი კაბელით დაქოქვას, ჩაკეტილი კარის გაღებას, კომპიუტერულ დიაგნოსტიკასა და სხვა სერვისებს ითვალისწინებს. თუ გზაზე დახმარების სერვისი დაგჭირდა, ადგილზე სრულად აღჭურვილი მობილური ჯგუფი — სერვის ვენი მოვა. შესაძლოა, ინციდენტების თავიდან აცილება ვერ შეძლო, მაგრამ ვუვლისთან ერთად მათთან გამკლავებას აუცილებლად მოახერხებ.

2. დიაგნოსტიკა

უსაფრთხო და კომფორტული მოგზაურობისთვის აუცილებელია, დარწმუნებული იყო, რომ შენს მანქანას ყველაფერი წესრიგში აქვს. ამისათვის შეგიძლია დიაგნოსტიკის სერვისით ისარგებლო, რომელიც ადგილზე მომსახურებასთან ერთად პრობლემის აღმოჩენის შემდეგ მისი აღმოფხვრისთვის აუცილებელი ნაბიჯებისა და ღონისძიებების დაგეგმვასა და უზრუნველყოფას გულისხმობს.

3. ზეთის შეცვლა

იმისათვის, რომ მანქანით უსაფრთხოდ და კომფორტულად იარო, აუცილებელია დარწმუნებული იყო, რომ ავტომობილი გამართულად მუშაობს. მაგალითად, ძრავის გამართულად ფუნქციონირებისთვის მანქანის ზეთის შეცვლა არ უნდა დაგავიწყდეს. ამ პასუხისმგებლობას შენ ნაცვლად ვუვლი აიღებს და ავტომობილის შესაბამის ცენტრში გადაყვანას უზრუნველყოფს.

4. მანქანის რეცხვა და ქიმწმენდა

თუ გინდა, რომ შენი მანქანა გამართულადაც მუშაობდეს და მისი დანახვაც გიხაროდეს, სისუფთავეზე ზრუნვა აუცილებელია. თუ სახლის პირობებში ამის დრო ან შესაძლებლობა არ გაქვს, ვუვლის შენი დახმარება შეუძლია. ვუვლი რეცხვისა და ქიმწმენდის მომსახურებას გთავაზობს. შესაბამის სერვისცენტრს ან შენ აირჩევ, ან მას ავტოექსპერტი გირჩევს. ვუვლი მანქანის სამრეცხაოში ან ქიმწმენდის სერვისცენტრში გადაყვანას უზრუნველყოფს, ცოტა ხანში კი გაწკრიალებულ და მოვლილ ავტომობილს ჩაიბარებ.

5. ავტოსაგზაო დაზიანებისას დახმარება

იმ შემთხვევაში, თუ შენი მანქანა ავარიის დროს დაზიანდა და წარმოდგენა არ გაქვს, როგორ დაუბრუნო მას პირვანდელი სახე, ვუვლი დაგეხმარება. ვუვლის ეს სერვისი ავტომობილის შესაკეთებლად საჭირო ნაბიჯების იდენტიფიცირებასა და შესაბამის ცენტრში მის გადაყვანას უზრუნველყოფს. სერვისცენტრის არჩევა მძღოლს თავისი სურვილით ან ავტოექსპერტის რჩევით შეუძლია. ამასთანავე, შეგიძლია სამღებრო-სათუნუქე მომსახურებითაც ისარგებლო. ავტომობილის ჩაბარების შემდეგ ვუვლის წარმომადგენლები მანქანის მფლობელთან მუდმივ კომუნიკაციაში არიან და ყველა ნაბიჯს გითანხმებენ. ვუვლი მანქანის შეკეთების პროცესს მეთვალყურეობს და საბოლოოდ შეკეთებულ მანქანას გაბარებს, რათა მგზავრობით ისევ ისიამოვნო!

თუ გინდა, მანქანით მგზავრობისას თავს მუდამ დაცულად და კომფორტულად გრძნობდე, ამაში ავტომომსახურების ქართული სერვისი ვუვლი დაგეხმარება. ვუვლი საშუალებას გაძლევს, საჭიროების შემთხვევაში ავტოექსპერტი დისტანციურად გამოიძახო და მანქანის შეკეთებაზე ზრუნვაც მას გადააბარო. ეს ციფრული პლატფორმა შენი მანქანის ყველა საჭიროებას ერთ სივრცეში უყრის თავს და სწრაფ, ხარისხიან და სანდო მომსახურებას გთავაზობს.