ფილმებში დასამახსოვრებელ სიუჟეტთან ერთად უამრავ საინტერესო პერსონაჟს ვეცნობით, ამიტომ ხშირად მანქანები, რომლებსაც გმირები მართავენ, თვალში სულაც არ გვხვდება. თუმცა ზოგჯერ ისეც ხდება, რომ მნიშვნელოვანი თუ უმნიშვნელო მიზეზების გამო ერთ-ერთი მთავარი პერსონაჟი სწორედ მანქანა ხდება.

ამ სტატიაში სწორედ იმ მანქანებზე მოგიყვებით, რომლებმაც მაყურებლის გული მარტივად მოიგეს:

1. ელვა მაკქუინი — მანქანები

ფოტო: Pixar

ამ სიას ელვა მაკქუინის გარეშე ვერ დავიწყებდით, რადგან ის პირდაპირი გაგებითაა მთავარი პერსონაჟი მანქანების შესახებ გადაღებულ ანიმაციაში! თანაც ცნობილი მრბოლელი მანქანის ისტორიას ერთი კი არა, სამი ანიმაციური ფილმი მიეძღვნა. ელვამ ჩვენი გულები ნამდვილად შესაშური სისწრაფით მოინადირა!

2. DeLorean DMC-12 — უკან მომავალში

ფოტო: Wikimedia Commons

კინომოყვარულებისთვის ამ მანქანის დავიწყება შეუძლებელია, რადგან ის...დროის მანქანაა. სწორედ ეს მანქანაა ფილმ Back To The Future-ის მთავარი გმირი, რადგან მის გარეშე პერსონაჟების თავგადასავალიც ვერ შედგებოდა!

3. ჰერბი — The Love Bug

ფოტო: Disney

ცნობილ ფილმში მანქანა, მეტსახელად, ჰერბი, საკუთარ თავს მართავდა და ფიქრიც კი შეეძლო! სცენარში მანქანის ბრენდი დაკონკრეტებული არ ყოფილა, ამიტომ 1963 წლის Volkswagen Beetle კასტინგზე სხვა მანქანებს შორის შეარჩიეს.

4. Ecto-1 — მოჩვენებებზე მონადირეები

ფოტო: Getty Images

როცა შენს სამეზობლოში რაღაც უცნაური ხდება, ვის უნდა მიმართო? რა თქმა უნდა, მოჩვენებებზე მონადირეებს, რომლებიც ამ დაუვიწყარი მანქანით მოგაკითხავენ! ამ ავტომობილისთვის ერთი თვალის შევლებაც საკმარისია იმაში დასარწმუნებლად, რომ ჩვენ წინაშე ფილმის მთავარი პერსონაჟია!

5. V-8 Interceptor — შეშლილი მაქსი

ფოტო: Getty Images

შეშლილი მაქსი ნაკლებად შეშლილი იქნებოდა, ამ საოცარი მანქანის მძღოლი რომ არ ყოფილიყო! შესაძლოა, ფილმს მაქსის სახელი ჰქვია, მაგრამ მისი ნახვის შემდეგ მიხვდები, რომ მთავარი გმირი სწორედ მანქანა იყო!

თუ გინდა, შენი ცხოვრების ერთ-ერთი მთავარი პერსონაჟი შენი მანქანა იყოს, მაშინ მასზე სათანადოდ უნდა იზრუნო. ამაში ავტომომსახურების ქართული სერვისი ვუვლი დაგეხმარება, რომელიც საშუალებას გაძლევს, საჭიროების შემთხვევაში ავტოექსპერტი დისტანციურად გამოიძახო და მანქანის შეკეთებაზე ზრუნვაც მას გადააბარო. ეს ციფრული პლატფორმა შენი მანქანის ყველა საჭიროებას ერთ სივრცეში უყრის თავს და სწრაფ, ხარისხიან და სანდო მომსახურებას გთავაზობს.