თუ გაცვლითი პროგრამებით ხარ დაინტერესებული შენთვის კარგი ამბავი გვაქვს.

GIPA-ს 96 პარტნიორი უნივერსიტეტი ჰყავს აშშ-სა და ევროპის მასშტაბით, რაც გულისხმობს იმას, რომ პოტენციურად შენ ყველა ამ უნივერსიტეტში შეგიძლია წახვიდე სასწავლებლად.

გარდა იმისა, რომ სტუდენტებს საშუალება აქვთ ისარგებლონ 44 გაცვლითი პროგრამით, GIPA ახორციელებს ერაზმუს+-ის 33 პროექტს, რაც გულისხმობს იმას, რომ 1 სემესტრის მანძილზე სტუდენტებს ყოველთვიურად გადაეცემათ სტიპენდია და ამასთან ერთად აუნაზღაურდებთ მგზავრობის ხარჯები.

ასევე, GIPA საშუალებას გაძლევთ მოიპოვოთ ორმაგი ხარისხის დიპლომი, რომლით სარგებლობაც 2023 წელს საჯარო მმართველობის 8 სტუდენტმა შეძლო და GIPA-სთან ერთად ვროცლავის უნივერსიტეტის მაგისტრის დიპლომიც მოიპოვა.

GIPA მულტიკულტურულ გარემოში სწავლის შესაძლებლობას არამხოლოდ მათ აძლევს ვინც მიდის, არამედ მათაც ვინც რჩება.

უნივერსიტეტი ყოველსემესტრულად მასპინძლობს საერთაშორისო პარტნიორი უნივერსიტეტის სტუდენტებს გაცვლითი პროგრამების ფარგლებში.

საერთაშორისო პარტნიორებთან თანამშრომლობით ჩვენ მუდმივად ვთავაზობთ სტუდენტებს საინტერესო სიახლეებს, როგორებიცაა:

ონლაინ მასტერკლასები, საზაფხულო სკოლები, ჰიბრიდული ღონისძიებები, Study Trip - პროექტი, რომლის ფარგლებშიც GIPA-ს სტუმრობს 10-მდე უცხოელი სტუდენტი ლექტორთან ერთად და ერთმანეთს უზიარებენ საინტერესო გამოცდილებას.

ტოპ 7 ქვეყანა, რომელშიც ყველაზე ხშირად მიდიან GIPA-ს სტუდენტები:

  • გერმანია,
  • ნიდერლანდები,
  • ფინეთი,
  • საფრანგეთი,
  • ავსტრია,
  • ესპანეთი,
  • პოლონეთი.