საქართველოს რეგიონული განვითარებისა და ინფრასტრუქტურის სამინისტროს ინფორმაციით, ხაშურს საერთაშორისო სტანდარტების შესაბამისი საბავშვო ბაღი ექნება.

"შენობა ადაპტირებული იქნება შეზღუდული შესაძლებლობების მქონე პირთათვის" - აცხადებს უწყება.

შენობის რეაბილიტაცია 735 751 ლარი ჯდება. სამინისტროს ინფორმაციით, მას მსოფლიო ბანკი აფინანსებს.

საბავშვო ბაღი 6 ასაკობრივ ჯგუფზეა გათვლილი და 200 აღსაზრდელს მოემსახურება. ბაღის რეაბილიტაცია ოქტომბერში დასრულდება.