რა ხდება: 3 აგვისტოს რაჭაში, შოვში მეწყერი ჩამოწვა, რასაც მსხვერპლი მოჰყვა.

  • ოფიციალური მონაცემებით, მაშველებმა 16 ცხედარი იპოვეს — დაზიანებების გამო დაღუპულთა იდენტიფიცირებულია მხოლოდ 7.
  • მაშველები, ჯარისკაცები და ადგილობრივები 20 ადამიანს ეძებენ, რომლებთანაც კონტაქტი ვერ მყარდება.

დეტალები: შვეიცარიის საელჩოში რუსეთის ინტერესების განყოფილების ფეისბუქგვერდზე რამდენიმე საათის წინ გამოქვეყნდა ინფორმაცია, რომ მეგობრები ეძებდნენ რუსეთის მოქალაქე ქალს, რომელიც სტიქიის ზონაში იმყოფებოდა.

  • ინტერესთა განყოფილება წერდა, რომ ყურადღებით აკვირდება მოვლენების განვითარებას და მზად არის საჭირო დახმარება გაუწიოს რუსეთის მოქალაქის ახლობლებს.
  • მოგვიანებით კი დაპოსტეს, რომ ქსენია ტრიჩევა გარდაცვლილი იპოვეს — მისი ცხედარი ერთ-ერთმა ახლო მეგობარმა მორგში ამოიცნო.