საქართველოს საზოგადოებრივ საქმეთა ინსტიტუტში მაგისტრატურის მსურველთა მიღება 1 აგვისტოს დაიწყო 10 სამაგისტრო პროგრამაზე და 4 სექტემბრამდე გაგრძელდება. GIPA 2023 წლისთვის განსაკუთრებულ სიახლეებს გვთავაზობს.

სამაგისტრო პროგრამებზე დაწვრილებითი ინფორმაციის მისაღებად დაესწარით ღია კარის დღეს, რომელიც 9 აგვისტოს, ZOOM-ში გაიმართება.რეგისტრაციისთვის ეწვიეთ ბმულს.

GIPA-ს 3 სამაგისტრო პროგრამა (საჯარო მმართველობა და პოლიტიკა, ადგილობრივი თვითმმართველობა და გარემოსდაცვითი მენეჯმენტი და პოლიტიკა) წელს მსურველებს დაფინანსების შესაძლებლობას აძლევს.

დაფინანსება

საჯარო მმართველობის და პოლიტიკის, ადგილობრივი თვითმმართველობის და გარემოსდაცვითი მენეჯმენტის და პოლიტიკის სამაგისტრო პროგრამების შეთავაზება:

საჯარო მმართველობის და პოლიტიკის, ადგილობრივი თვითმმართველობის, გარემოსდაცვითი მენეჯმენტის და პოლიტიკის სამაგისტრო პროგრამებზე ჩაბარების შემთხვევაში 3 საუკეთესო კანდიდატი, რომელსაც ექნება 100% სახელმწიფო გრანტი GIPA-სგან საჩუქრად მიიღებს უფასო სწავლის შესაძლებლობას 2 წლის განმავლობაში.

პროგრამული ინჟინერიის სამაგისტრო პროგრამა:

ახალი სამაგისტრო პროგრამა წელს პირველ სტუდენტებს მიიღებს. აღნიშნული პროგრამა ამზადებს პროგრამულ ინჟინრებს, რაც გულისხმობს კომპიუტერული მეცნიერების დარგის სპეციალისტს, რომელსაც შეუძლია თანამედროვე ინჟინრული გადაწყვეტილებებით შექმნას ციფრული პროდუქტები (მობილური აპლიკაციები, კომპიუტერული და მობილური თამაშები, ვებ გვერდები). ჩაბარების მსურველებს საბუთების შეტანა 1 აგვისტოდან შეუძლიათ.

GIPA-ს სამაგისტრო პროგრამები:

  1. საერთაშორისო სამართალი;
  2. საერთაშორისო ურთიერთობები;
  3. საზოგადოებრივი ურთიერთობები;
  4. მულტიმედიური ჟურნალისტიკა და მედია მენეჯმენტი;
  5. პროგრამული ინჟინერია;
  6. საჯარო მმართველობა და პოლიტიკა;
  7. ადგილობრივი თვითმმართველობა;
  8. გარემოსდაცვითი მენეჯმენტი და პოლიტიკა;
  9. ბიზნესის ადმინისტრირება;
  10. გამოყენებითი ფსიქოლოგია.