ევროპული საქართველოს თბილისის მერობის კანდიდატი ელენე ხოშტარია ინგა გრიგოლიასთან გადაცემაში აცხადებს, რომ თბილისის მოსახლეობის ყველაზე დიდი პრობლემა და გამოწვევა სოციალური ფონია.

"აქედან გამომდინარე, შევამცირებთ ბიუროკრატიულ ხარჯებს და მერიის ბიუჯეტიდან მოქალაქეებს პენსიაზე 50 ლარის, ხოლო სოციალურად გაჭირვებულებს 145 ლარიდან 520 ლარამდე დანამატს გავუკეთებთ".

ხოშტარია დასძენს, რომ მისი მიზანია, თბილისში მყოფი სოციალურად გაჭირვებული ადამიანებისთვის დამოუკიდებლად ცხოვრების ხელშეწყობა:

"მე მინდა ვიყო მერი, რომლის მუშაობის ბოლოს, ჩვენ ბევრად ნაკლები სოციალური გაჭირვებული გვეყოლება".

ხოშტარიას თქმით, მის გუნდს დათვლილი აქვს ყველა ხარჯი. ის მოქალაქეებს სამუშაო ადგილების შექმნასაც პირდება.