საქართველოს საზოგადოებრივ საქმეთა ინსტიტუტი (GIPA) 2023 სასწავლო წლისთვის აბიტურიენტებს განსაკუთრებულ შეთავაზებას უმზადებს და უფასოდ სწავლის შესაძლებლობას სთავაზობს.

დაფინანსება

წელს GIPA-ში ჩაბარების მსურველები 7 საბაკალავრო პროგრამაზე ისარგებლებენ უნივერსიტეტის შიდა დაფინანსებით. ის აბიტურიენტები, რომლებიც მოიპოვებენ 100% -იან გრანტს და ჩაირიცხებიან GIPA-ს ბიზნესის, სოციალური მეცნიერების, პოლიტიკის მეცნიერების, ეკონომიკის, სოციოლოგიის, ფსიქოლოგიის ან სამართლის საბაკალავრო პროგრამაზე, სახელმწიფო გრანტის გარდა, მოიპოვებენ საუნივერსიტეტო გრანტს 2250 ლარის ოდენობით და ისწავლიან სრულიად უფასოდ.

ასევე, დაფინანსებას მიიღებენ ის აბიტურიენტები, რომლებიც მოიპოვებენ 70%-იან გრანტს და ჩაირიცხებიან ბიზნესის საბაკალავრო პროგრამაზე. სწავლების მეორე, მესამე და მეოთხე წელს დაფინანსება შენარჩუნდება თუ სტუდენტის აკადემიური მოსწრება იქნება 3.5 GPA* ან მეტი.

გაცვლითი პროგრამები

GIPA ასევე გამორჩეულია თავის გაცვლითი პროგრამებით და სტუდენტებს 80-ზე მეტ გაცვლით პროგრამას სთავაზობს. სხვადასხვა დასავლურ უნივერსიტეტებთან თანამშრომლობითა და პარტნიორობით სტუდენტებს ეძლევათ საშუალება, როგორც გაცვლით პროგრამაში მონაწილეობის, ისე ორმაგი დიპლომის პროგრამით სარგებლობის.

GIPA- ს საბაკალავრო პროგრამები:

ცვლილება აუდიო ვიზუალური და მედია ხელოვნების პროგრამაზე

2024 წლიდან აუდიო-ვიზუალური და მედია ხელოვნების საბაკალავრო პროგრამა ორ დამოუკიდებელ პროგრამად იწყებს ფუნქციონირებას. მედია ხელოვნების, იგივე ვიზუალური კომუნიკაციის (რეკლამა და საკომუნიკაციო დიზაინი) პროგრამის ხანგრძლივობა იქნება 3 წელი, სადაც მიიღებ და გამოიმუშავებ კრეატიული ინდუსტრიისთვის აუცილებელ ცოდნასა და უნარებს.

ხოლო, აუდიო-ვიზუალური პროგრამის ხანგრძლივობა რჩება 4 წელი სადაც ისწავლი დადგმითი, დოკუმენტური და ექსპერიმენტული მოკლემეტრაჟიანი ფილმების წარმოებას, თხრობის თანამედროვე ფორმებს.

*ბიზნესის საბაკალავრო პროგრამაზე საუნივერსიტეტო გრანტის მოპოვებას შეძლებს ეროვნულ გამოცდებზე მიღებული საუკეთესო საკონკურსო ქულის მქონე 20 სტუდენტი. ხოლო გრანტი შეუნარჩუნდება ყველას, ვისი აკადემიური მოსწრებაც იქნება 3.2 ზე მეტი.

*ფსიქოლოგიის საბაკალავრო პროგრამაზე საუნივერსიტეტო გრანტის მოპოვებას შეძლებს ეროვნულ გამოცდებზე მიღებული საუკეთესო საკონკურსო ქულის მქონე 10 სტუდენტი.