მოსკოვის სასამართლოში, ნაფიცმა მსაჯულებმა რუსი ოპოზიციონერის, ბორის ნემცოვის მკვლელობაში ბრალდებული ზაურ დადაევი დამნაშავედ სცნეს.

BBC-ის ინფორმაციით, ბრალდების თანახმად, სწორედ ზაურ დადაევმა ესროლა კრემლთან ახლოს, პრეზიდენტ პუტინის კრიტიკოსს, ბორის ნემცოვს, 2015 წლის 27 თებერვალს.

ზაურ დადაევი

ზაურ დადაევი

ზაურ დადაევი ჩეჩნეთის ელიტარული სამხედრო გაერთიანების ყოფილი წევრია

ფოტო: Reuters

მასთან ერთად დამნაშავედ სცნეს კიდევ ოთხი ეთნიკურად ჩეჩენი ბრალდებული. დაკავებულები დანაშაულს არ აღიარებენ. BBC-ის ცნობით, ნემცოვის მკვლელობისთვის მათ 250 000 აშშ დოლარს დაჰპირდნენ.

საქმეში იყო ასევე, მეექვსე პირი, ბესლან შაბანოვი, რომელიც ჩეჩნეთში დაკავებისას დაიღუპა.

გარდაცვლილის ნათესავები შიშობენ, რომ მკვლელობის დამკვეთის ვინაობა ვერ გახდება ცნობილი.