2 წლის ცუგა პირველი ძაღლი გახდა, რომელიც მილტონ კეინსის საუნივერსიტეტო საავადმყოფოს სამშობიარო განყოფილებაში შეუშვეს. ცუგას ამისთვის სერიოზული მიზეზიც ჰქონდა: მშობიარობის დროს ის პატრონის გამხნევებას ცდილობდა და გვერდიდან არ მოშორებია.

გაწვრთნილი ბულტერიერი პატრონის ერთგული მეგობარია. ემი ტომპკინსის თქმით, მას აუტიზმისა და შფოთვის საკმაოდ დიდი ისტორია აქვს და ხშირად თვეების განმავლობაში სახლიდანაც არ გადის. ცუგა კი პატრონის მშობიარობასაც დაესწრო და შემდეგ ემის პალატასაც არ მოშორებია, რათა მას თავი მარტო არ ეგრძნო.

ფოტო: Amee Tompkins

2 წლის ცუგას თავიდან პატრონის პალატაში არ უშვებდნენ, თუმცა ყველამ დაინახა, როგორ ღელავდა და შესვლას ითხოვდა. მოგვიანებით, ცუგას ტესტის გავლა მოუწია, რათა ექიმები დარწმუნებულიყვნენ, რომ მას ადამიანებით სავსე მცირე ზომის ოთახში ყოფნა არ უჭირდა. ცუგამ ტესტი წარმატებით გაიარა და მაშინვე პატრონს მიაშურა.

2 წლის ცუგა, სახელად ბელი, გაწვრთნილი ძაღლია, რომელიც პატრონს სტრესული სიტუაციების დაძლევაში ეხმარება. როცა ბელი გრძნობს, რომ მისი პატრონი სტრესშია ან ტკივილი განიცდის, მის გვერდით წვება, რათა საჭირო დახმარება გაუწიოს.

"როცა ამდენი რამ ჩემ ირგვლივ ხდებოდა, მან საშუალება მომცა, რომ ყურადღება სხვა რამეზე გადამეტანა. ის ძალიან მშვიდი ძაღლია და იმსახურებს, რომ მის შესახებ ყველამ გაიგოს", — ამბობს ცუგას პატრონი მშობიარობის შესახებ.

მზრუნველი ცუგა ახლა უკვე პატარას არ შორდება გვერდიდან და მასაც დაუმეგობრდა. როგორც ჩანს, ცუგას კამერის წინ პოზირებაც ძალიან ჰყვარებია.