დაქამინგაუთების შემდეგ ნოა შნაპმა პირველი პრაიდი აღნიშნა. Stranger Things-ის ვარსკვლავმა ინსტაგრამზე ფოტოები გააზიარა, რომლებშიც ვხედავთ, რომ მსახიობმა პრაიდი ვაშინგტონში იზეიმა. როგორც ჩანს, შვილის პირველ პრაიდს ნოა შნაპის დედაც შეუერთდა და პრაიდის აღსანიშნ ერთ-ერთ აუზის წვეულებას დაესწრო.

შეგახსენებთ, რომ ნოა შნაპი, რომელიც მაყურებელმა ნეტფლიქსის გახმაურებული სერიალიდან Stranger Things გაიცნო, იანვარში გეიდ დაქამინგაუთდა. შნაპმა ტიკტოკზე ვიდეო გამოაქვეყნა, რომელშიც მან ახლობელ ადამიანებთან თავისი ქამინგ აუთის გამოცდილებაზე ისაუბრა.

"როცა შიშში 18-წლიანი ცხოვრების შემდეგ, როგორც იქნა, ჩემს მეგობრებსა და ოჯახს ვუთხარი, რომ გეი ვარ, მათ კი მხოლოდ ის მიპასუხეს, ვიცითო", — ამბობს ნოა შნაპი ტიკტოკის ვიდეოში. შნაპმა ვიდეოს აღწერაში ასევე აღნიშნა, ალბათ Stranger Things-ის პერსონაჟ უილს იმაზე მეტად ვგავარ, ვიდრე მეგონაო.

აღსანიშნავია, რომ Stranger Things-ის გულშემატკივრები უილ ბაიერსის სექსუალურ ორიენტაციას დიდი ხნის განმავლობაში განიხილავდნენ. საბოლოოდ, თეორიებს თავად მსახიობიც გამოეხმაურა. ნოა შნაპმა დაადასტურა, რომ უილი გეია და მას თავისი საუკეთესო მეგობარი, მაიკი, უყვარს.