გოგრიჭიანი: თუ გვინდა, ქართულმა კინომ იარსებოს, სოლიდარობის დიდი მასშტაბი მოახდენს ამას

15 Jun. 2023, 12:56

თავის დროზე მუზეუმს სათანადო რეაქცია რომ არ მიეცა, უფრო სწორად მიეცა, მაგრამ არა იმ მასშტაბის, რა მასშტაბის რეაქციებსაც ახლა იძენს ეს ყველაფერი, ალბათ, მაგის შედეგია, სადაც ახლა ვართ. მგონია, თუ გაგრძელდა, ეს მეტასტაზივით მოედება ყველაფერს, თუ უკვე არ მოედო. ახლა რომ ვერთვები აქედან, ეს არ ნიშნავს იმას, რომ თვის ბოლოს არ ჩამოვალ, მანდ არ ვიქნები და ჩემი კოლეგების გვერდით არ დავდგები.

როგორ გითხრათ, მაქსიმალურად ვცდილობ, ისტერიული ელფერი არ ჰქონდეს ამ ყველაფერს და საქმე გაკეთდეს, მოგვარდეს. გულწრფელად ვამბობ, ორი ვარიანტია, მეტი არა:

იმ ადამიანებმა, რომლებიც ახლა ამ გადაწყვეტილებებს იღებენ, ან არ იციან [რას აკეთებენ] და ეს არის ძალიან ცუდი და დამღუპველ კინოსთვის;

ან იციან და თუ გამიზნულია ეს ყველაფერი, მაშინ კიდევ უფრო ცუდი.

შესაბამისად, შედეგი ამ ყველაფრის იქნება ძალიან ცუდი. თუ მართლა რამე არსებობს, მე რაც შემიძლია ახლა აქედან გავაკეთო, მე რა კონტექსტშიც ვიმყოფები, თუ ეს არსებობს, ეს არის იმ [კინოცენტრის მუშაობის] ინერციის შედეგი, მეტი არაფრის შედეგი არ არის. ეს შემიძლია მთელი პასუხისმგებლობით ვთქვა. ეს შეიძლება პირდაპირ არ ებმება კინოცენტრს, მაგრამ კინოცენტრმა რომ მოახერხა ქართული კინოს გატანა და რაღაცნაირად რომ არსებობს ქართული კინო ევროპულ ასპარეზზე ძალიან კარგად, ეს ამის შედეგია. ყველაფერი ხომ ჯაჭვივით არის გადაბმული. [...]

თუ მართლა გვინდა და გვსურს, რომ ქართულმა კინომ იარსებოს იმ სახით, რაც არის და კიდე უფრო წინ წავიდეს, მგონია, რომ მხოლოდ სოლიდარობის დიდი მასშტაბი მოახდენს ამას და საქმეც მხოლოდ ამ შემთხვევაში გაკეთდება. წინააღმდეგ შემთხვევაში, არ მგონია, რომ რამე შედეგი გვქონდეს.

მეც ახალგაზრდა თაობს წარმომადგენელი ვარ და რასაკვირველია, ვდგავარ აქ. მაგრამ მგონია, რომ საერთოდ ერთიანობა უნდა არსებობდეს ყველაფერში, რომ საქმე მოგვარდეს და ეს არ დაემსგავსოს ორთქლის გამოშვებას.

ბოლო ამბები:

თორნიკე გოგრიჭიანი გოგრიჭიანი: თუ გვინდა, ქართულმა კინომ იარსებოს, სოლიდარობის დიდი მასშტაბი მოახდენს ამას

კომენტარები

კვირის ტოპ-5

გირჩევთ

ახლა კითხულობენ