ჯორჯიან უოთერ ენდ ფაუერის განცხადებით, წყლის ხარისხის შესახებგავრცელებული ინფორმაცია სიმართლეს არ შეესაბამება და პროკურატურას მიმართეს.

GWP-ში ამბობენ, რომ სასმელი წყლის ხარისხთან დაკავშირებით უსაფუძვლო დეზინფორმაცია გავრცელდა, რამაც კომპანიის იმიჯი მნიშვნელოვნად დააზიანა.

"წყლის ხარისხზე მსგავსი ტიპის დეზინფორმაციის გავრცელებას 2019 წელსაც ჰქონდა ადგილი, ჯორჯიან უოთერ ენდ ფაუერმა სასამართლოს მაშინაც მიმართა და შედეგად, ცრუ ინფორმაციის გამავრცელებლებს მოუწიათ საჯაროდ ბოდიშის მოხდა. ამჯერად, კომპანიამ მიმართა საქართველოს პროკურატურას, რათა დადგინდეს დეზინფორმაციის გავრცელების წყარო და მიზნები და მომავალში არ განმეორდეს მსგავსი ფაქტი", — აღნიშნავს ზურაბ ალფაიძე, ჯორჯიან უოთერ ენდ ფაუერის ტექნიკური დირექტორი.

ჯორჯიან უოთერ ენდ ფაუერის განცხადებით, სრულ პასუხისმგებლობას იღებენ, რომ მოსახლეობას მაღალი ხარისხის სასმელი წყალი მიეწოდება და ხარისხის კონტროლს ჯივიპის ლაბორატორიის სპეციალისტები უწყვეტი ციკლით, 24-საათიან რეჟიმში აწარმოებენ.