ბავშვისთვის სათამაშოს შერჩევა არც ისე მარტივია. გარდა იმისა, რომ საჩუქარი თავშესაქცევი და შთამბეჭდავი უნდა იყოს, რათა ის პატარის განუყრელ მეგობრად იქცეს, აუცილებელია გავითვალისწინოთ, რა მასალისგან არის დამზადებული ნივთი, რამდენად უსაფრთხოა და არის თუ არა ანტიალერგიული.

სიყვარულითა და ზრუნვით დამზადებული სათამაშო ბავშვს თავს აუცილებლად შეაყვარებს — ის იმ მეგზურად იქცევა, რომელსაც მთელი ცხოვრების განმავლობაში გაუფრთხილდება და საჩუქრის ჩუქების სიხარულს მუდმივად გაახსენებს.

თუ რაიმე გამორჩეულს უშედეგოდ ეძებთ და ბევრს ფიქრობთ, როგორ გაახაროთ ადრესატი, ხელნაკეთი სათამაშო ერთ-ერთი საუკეთესო გადაწყვეტილებაა.

სწორედ ასეთი სათამაშოების არჩევანს გთავაზობთ ამიგურუმი თბილისი. ბავშვებზე ზრუნვითა და სიყვარულით დამზადებული კეთილი, ფერად-ფერადი არსებები პატარას თავს პირველივე წუთიდან შეაყვარებენ.

ფოტო: ამიგურუმი თბილისი

ფოტო: ამიგურუმი თბილისი

ამიგურუმი თბილისის ხელნაკეთ ბაჭიებს, დათუნიებს თუ სხვა ნაირ-ნაირ ღუნღულა ცხოველებს ხალას ფერებსა და კეთილ გამომეტყველებასთან ერთად, დამზადებისას ბავშვების უსაფრთხოების გათვალისწინებაც გამოარჩევს.

"საქართველოში ამ ტიპის ხელნაკეთი სათამაშოები სიახლეა, უფრო მეტად წვრილი ძაფით შესრულებულ პატარა თოჯინებს შეხვდებით. ჩვენი სათამაშოები კი რბილი და ფუმფულაა, ამასთან საუკეთესო ხარისხის ძაფებს საგულდაგულოდ ვარჩევთ. შედეგად, სათამაშოს ფერი უფრო მკვეთრი და ხალისიანია", — გვეუბნებიან ამიგურუმი თბილისში.

ამიგურუმში სათამაშოებს ანტიალერგიული მასალისგან ამზადებენ და ისინი სრულიად უსაფრთხოა როგორც ჩვილებისთვის, ისე მოზრდილებისთვის.

ფოტო: ამიგურუმი თბილისი

ფოტო: ამიგურუმი თბილისი

ფოტო: ამიგურუმი თბილისი

თუ გინდათ, რომ საჩუქრის ადრესატს თავი გამორჩეული სათამაშოთი დაამახსოვროთ, ამიგურუმი თბილისის ფუმფულა თოჯინა ერთ-ერთი საუკეთესო გადაწყვეტილებაა — ის ხელნაკეთი, ხარისხიანი და, თანაც, ქართულია.

ეწვიეთ ამიგურუმი თბილისის Facebook გვერდს ან Instagram-ს და შეარჩიეთ თოჯინა, რომელიც ბავშვს თუ ზრდასრულს, რომელსაც ხელნაკეთი სათამაშოები განსაკუთრებით უყვარს, თავს შეაყვარებს.


On.ge დამოუკიდებელ საქართველოში შეიქმნა და გვჯერა, რომ მცირე ბიზნესების მხარდაჭერა ჩვენი მისია და პასუხისმგებლობაა, ამიტომაც 26 მაისთან 26 ივნისამდე ჩვენი ციფრული და კრეატიული შესაძლებლობებით, მხარს დავუჭერთ დამოუკიდებელ საქართველოში შექმნილ მცირე ბიზნესებსა და სტარტაპებს. გაიგე მეტი: შექმნილია დამოუკიდებელ საქართველოში — On.ge-ის შეთავაზება მცირე ბიზნესებსა და სტარტაპებს