1 ივნისი საზოგადოების ყველაზე პატარა, ცნობისმოყვარე, მხიარული და ძვირფასი წევრების დღეა. მინისოში აღნიშნავენ, რომ ეს თარიღი მათთვის განსაკუთრებულია, რადგან მიიჩნევენ, რომ ბავშვების ლაღ და ბედნიერ ცხოვრებაზე მნიშვნელოვანი არაფერია.

"გახსნის დღიდან, ყოველთვის ვცდილობდით, ჩვენი დახლები მათი მდიდარი წარმოსახვის უნარისთვის შესაფერისი, ფერადი და მხიარული ნივთებით აგვევსო. შედეგად, ჩვენი ფილიალები ბავშვების საყვარელ გასართობ და თავშესაქცევ სივრცედ, ჩვენი პროდუქტები კი — მათი ცხოვრების განუყრელ ატრიბუტებად იქცა", — აცხადებენ მინისოში.

ფოტო: მინისო

ფოტო: მინისო

პატარებთან მეგობრობასთან ერთად, მინისოს მხიარული კოლექცია ბავშვობის მოგონებებსა და შეგრძნებებს ზრდასრულებსაც შეახსენებს — ბავშვობა ხომ ასაკთან ერთად არ მთავრდება.

"ჩვენთან ბავშვური ცნობისმოყვარეობა და ფანტაზია ასაკის მიუხედავად იღვიძებს. ჩვენს ფილიალებში ხშირად შეამჩნევთ ზრდასრულებს, რომლებიც მინისოს ფუმფულებს გულში ბავშვებივით იხუტებენ, ან უჩვეულო თავსატეხ-სათამაშოს ცნობისმოყვარედ აკვირდებიან, ან, სულაც, ფერად-ფერადი საწუწაო თოფების დანახვაზე უბრწყინდებათ თვალები. მინისო ბავშვური სილაღის, ცნობისმოყვარეობისა და უსაზღვრო წარმოსახვის მაღაზიაა", — აღნიშნავენ მინისოში.

ბავშვურ ემოციებთან გულწრფელი და განსაკუთრებული სიახლოვის გამო, მინისომ გადაწყვიტა, რომ ბავშვთა დაცვის დღე განსაკუთრებულად აღენიშნა. ამიტომ, ამ მნიშვნელოვანი მისიისთვის, მინისოს ფილიალებში გუნდის წევრები შვილებთან ერთად მიიწვიეს და საკუთარი ფერადი შინაგანი სამყარო მინისოს ვიტრინებზე გადმოხატვა სთხოვეს.

ფოტო: მინისო

ფოტო: მინისო

ფოტო: მინისო

მინისოს გუნდის წევრებმა უკან, ბავშვობაში იმოგზაურეს, ბავშვებმა კი საკუთარი უსაზღვრო ფანტაზია კიდევ ერთხელ გამოავლინეს. შედეგად, მინისოს ფილიალები პატარების მრავალფეროვანი სამყაროსავით გაფერადდა.

ბავშვობაში დაბრუნებული მშობლებისა და მათი არაჩვეულებრივი შვილების ნამუშევრების დათვალიერება მინისოს 21 ფილიალში შეგიძლია. ამასთან, 1 ივნისის აღსანიშნად და პატარების გულების გასახარებლად, მინისო განსაკუთრებულ შეთავაზება მოამზადა — 2 სათამაშოს შეძენის შემთხვევაში, მესამე საჩუქრად გადმოგეცემათ. თვალი ადევნე მინისოს საიტსა და Facebook გვერდს და არ გამოგრჩეს ბავშვთა დაცვის დღის მისალოცი აქტივობები.