ცნობილი მსახიობი ალ პაჩინო 29 წლის პარტნიორ ნურ ალფალასთან ერთად შვილს ელოდება. 83 წლის ალ პაჩინოს სხვა პარტნიორებთან 33 წლის შვილი და 22 წლის ტყუპები ჰყავს.

2014 წელს The New Yorker-თან ინტერვიუში მსახიობმა მამობაზე ისაუბრა და აღნიშნა, რომ შვილების ყოლამ ის სიცარიელე შეუვსო, რომელიც მას შემდეგ გაუჩნდა, რაც მამამ მიატოვა.

"შინაგანად ვიცოდი, რომ არ მინდოდა, მამაჩემისნაირი ვყოფილიყავი. მათთან ერთად ყოფნა მინდოდა. სამი შვილი მყავს და მათზე პასუხისმგებელი ვარ. მე მათი ცხოვრების ნაწილი ვარ. როცა მათთან არ ვარ, მეც მწყინს და მათაც სწყინთ", — განაცხადა ალ პაჩინომ.

ოსკაროსანი მსახიობი, რომელსაც საზოგადოება ყველაზე კარგად ნათლიაში შესრულებული როლით იცნობს, ბოლოს სერიალ Hunters-ში და ფილმ House of Gucci-ში გამოჩნდა.