ინფორმაციას სპეციალური საგამოძიებო სამსახური ავრცელებს.

რატომ არის მნიშვნელოვანი: დადგინდა, რომ ბრალდებულებმა სოციალური ქსელით გაცნობილი ქალებისგან მათი პირადი კომპიუტერების, ტელეფონებისა და სოციალური ქსელების საშუალებით პირადი ცხოვრების ამსახველ ინტიმურ ფოტოებს, ხმოვან შეტყობინებებს, მიმოწერებსა და ვიდეოებს მოიპოვებნენ.

  • როგორც უწყებაში ამბობენ, ურთიერთობის დასრულების შემდეგ, შურისძიების მოტივითა და შანტაჟის მიზნით, ბრალდებულები დაზარალებულების პირადი ცხოვრების მასალებს ავრცელებდნენ.

დეტალები: ასევე, დადგინდა, რომ თბილისში მცხოვრები, 1978 წელს დაბადებული ზ.ც 2014-დან 2022 წლის ზაფხულის პერიოდამდე დაზარალებულთან არარეგისტრირებულ ქორწინებაში იმყოფებოდა და მისი ინფექციური დაავადების შესახებ ფლობდა ინფორმაციას.

  • "ზ.ც-მ 2022 წლის ზაფხულში, დაზარალებულის საერთო ნაცნობთან და 2023 წლის მარტის თვეში, სოციალური ქსელის პირად გვერდზე, დაზარალებულისგან თანხმობის გარეშე, მისი პირადი ცხოვრების საიდუმლოს ამსახველი ინფორმაცია უკანონოდ გაავრცელა".
  • გამოძიება სსსკ-ის 157-ე და 159-ე მუხლებით პრიმა მუხლით გრძელდება, რაც პირადი ცხოვრების საიდუმლოს ხელყოფასა და პირადი მიმოწერის საიდუმლოს დარღვევას გულისხმობს.
  • დანაშაული 7 წლამდე თავისუფლების აღკვეთას ითვალისწინებს.