გუგლი ტრადიციას არც წელს ღალატობს და 26 მაისს — საქართველოს დამოუკიდებლობის დღეს — დუდლით გვილოცავს. გუგლის წლევანდელ დუდლზე ცის ფონზე საქართველოს დროშაა გამოსახული, ფოტოზე დაწკაპების შემდეგ კი, ვებგვერდი მომხმარებლებს საქართველოს დამოუკიდებლობის შესახებ ინფორმაციას აწვდის.

"დღევანდელი დუდლით საქართველოს დამოუკიდებლობის დღეს ვზეიმობთ. სწორედ ამ დღეს, 1918 წელს, საქართველოს დემოკრატიული რესპუბლიკა შეიქმნა და ქვეყანამ რუსეთის იმპერიისგან დამოუკიდებლობა გამოაცხადა. საქართველოს დედაქალაქ თბილისში, თავისუფლების მოედანზე, დილით ფიცის დადების ცერემონია ჩატარდება, რაც სამხედრო აღლუმითა და კონცერტებით გაგრძელდება. საქართველოს ეროვნული დროშა, რომელსაც დღევანდელ დუდლზე ხედავთ, შენობებსა და ქუჩაში მსვლელობისას ჯარისკაცებს დაამშვენებს", — ვკითხულობთ დუდლის აღწერაში.

აღსანიშნავია, რომ გუგლის დუდლები ხშირად მცირედით იცვლება. შარშანდელ დუდლზე ცის ფონზე მოლივლივე საქართველოს დროშა იყო გამოსახული. 2021 წელს კი დუდლზე საქართველოს დროშა ფერადი ღრუბლების ფონზე იყო გამოსახული.