კაფეში ახალი მზიური საბურავი ჩავარდა. ამის ამსახველ ფოტო და ვიდეო მასალას კაფის ხელმწძღვანელი ანა გოგუაძე ფეისბუკზე ავრცელებს.

როგორც ანა გოგუაძემ On.ge-ს უთხრა, რომ მიმართულებიდან გამომდინარე ვარაუდობს, რომ შესაძლოა საბურავი მზიურის პარკის მიმდებარედ მიმდინარე მშენებლობიდან ჩამოვარდა. მისივე თქმით, ადრეც შეუნიშნავს, რომ აღნიშნული მშენებლობიდან რაღაცები ცვივა ხოლმე.

"ვინაა პააუხისმგებელი და რა გარანტიაა ხვალ კიდევ რამე რომ არ ჩამიფრინდება?" - წერს გოგუაძე ფეისბუკზე.

ინციდენტის შედეგად არავინ დაშავებულა, თუმცა მზიურის პარკი ერთ-ერთი ყველაზე პოპულარული ადგილია თბილისში ფეხით მოსიარულეთათვის. აქ ხშირად დადიან მშობლები მცირეწლოვან შვილებთან ერთად. ახალ მზიურში კი არაერთი ღონისძიება იმართება ხოლმე, მათ შორის გამოფენები და ფილმის ჩვენებები.

შინაგან საქმეთა სამინისტროში On.ge-ს განუმარტეს, რომ საკითხი უკვე მოიკვლიეს, თუმცა იქედან გამომდინარე, რომ არავინ დაშავებულა გამოძიება არ დაიწყება.