ამის შესახებ ინფორმაციას საერთაშორისო მედიები ავრცელებენ.

რატომ არის მნიშვნელოვანი: ბარაკ ობამა იმ 500 სანქცირებულ აშშ-ს მოქალაქეთა შორის მოხვდა, რომელსაც რუსეთმა ქვეყანაში შესვლა აშშ-ს მიერ ახალი სანქციების საპასუხოდ აუკრძალა.

  • რუსეთის საგარეო საქმეთა სამინისტროს განცხადებით, მათ უარი თქვეს აშშ-ს მოთხოვნაზე, რუსეთში დაკავებული Wall Street Journal-ის ჟურნალისტის, ევან გერშკოვიჩისთვის საკონსულო მომსახურების გაწევის შესახებ.
  • ჟურნალისტი მარტის თვეში ჯაშუშობაში ეჭვმიტანილად გამოაცხადეს.

დეტალები: განცხადებაში ამის მიზეზად დასახელდა აშშ-ს უარი ვიზის გაცემაზე ჟურნალისტებისთვის, რომლებიც რუსეთის საგარეო საქმეთა მინისტრთან, სერგეი ლავროვთან ერთად ნიუ იორკში უნდა გამგზავრებულიყვნენ.

  • "ვაშინგტონს დიდი ხნის წინ უნდა ესწავლა, რომ არცერთი მტრული თავდასხმა რუსეთის წინააღმდეგ არ ჩაივლის დაუსჯელად", — ნათქვამია განცხადებაში.
  • გასულ პარასკევს შეერთებულმა შტატებმა გამოაცხადა სადამსჯელო ზომები 300-ზე მეტი სამიზნის წინააღმდეგ.
  • რაც მიზნად ისახავს, რუსეთის დასჯას უკრაინაში შეჭრისთვის და ერთ-ერთი ყველაზე მკაცრი სანქციების გაძლიერებას, რაც კი ოდესმე განხორციელებულა.
  • აშშ-ის ხაზინის მდივანმა ჯანეტ იელენმა განაცხადა, რომ პუტინი ამიერიდან კიდევ უფრო დასუსტდებოდა თავის ბარბაროსულ ქმედებებში და სანქციებისთვის თავის აცილება კიდევ უფრო გაუჭირდება.