81 წლის ტელეწამყვანი, მწერალი და კულინარი მართა სტიუარტი Sports Illustrated-ის გარეკანზე მოხვდა. სტიუარტმა ცნობილი ჟურნალისთვის საცურაო კოსტიუმში იპოზიორა. გარდა ამისა, სტიუარტი ყველაზე ასაკოვანი მოდელია, რომელიც Sports Illustrated-ის ყოველწლიური გამოცემის გარეკანზე საცურაო კოსტიუმით მოხვდა.

მართა სტიუარტის თქმით, გარეკანის ფოტო ძალიან მოსწონს და ამის გარდა, კიდევ 10 სხვადასხვა სამოსში იპოზიორა. "როცა გავიგე, რომ Sports Illustrated-ის გარეკანზე ჩემი ფოტოს დაბეჭდვა სურდათ, ძალიან გამიხარდა და გავიფიქრე, რომ მე ყველაზე ასაკოვანი ადამიანი ვიქნებოდი, რომელიც ოდესმე ჟურნალის გარეკანზე მოხვდა. ჩემს ასაკი არ მაღელვებს, თუმცა ვფიქრობ, რომ ეს უკვე ისტორიული მოვლენაა", — განაცხადა სტიუარტმა.

ფოტო: Sports Illustrated

მართა სტიუარტმა სამოდელო კარიერა 15 წლის ასაკში დაიწყო. 1980-იან წლებში კი მართამ კულინარიული წიგნი დაწერა, რომელმაც დიდი პოპულარობა მოუტანა. კულინარიასთან დაკავშირებით, მან არაერთი წიგნი გამოუშვა და გადაცემის ტელეწამყვანიც გახდა.

სტიუარტი სოციალურ ქსელებშიც ძალიან პოპულარულია. მისი ინსტაგრამის პოსტები ვირუსულად ვრცელდება ხოლმე და მართა გულშემატკივრებისგან მოწონებასა და დადებით კომენტარებს ხშირად იღებს.