სახელმწიფო სამხედრო სამეცნიერო-ტექნიკურ ცენტრ დელტას 3,6 მილიონი ლარის სეტყვასაწინააღმდეგო რაკეტების ყიდვა სურს. 5 ათასი რაკეტის პირდაპირი წესით შესაძენად დელტამ შესყიდვების სააგენტოს უკვე მიმართვა.

"ღონისძიება, როგორც სახელმწიფოებრივი, ასევე-საზოგადოებრივი მნიშვლებობისაა, რადგან სეტყვასაწინააღმდეგო სისტემის ფუნქციონირების შეფერხების შემთხვევაში, სასოფლო-სამეურნეო სავარგულების დაცვა სეტყვისაგან ვერ განხორციელდება, რამაც შესაძლოა მილიონობით ლარის ზარალი გამოიწვიოს," - ასე ხსნიან დელტაში შესყიდვის საჭიროებას.

როგორც უწყებაში განმარტავენ, წელს გასულ წელთან შედარებით, რაკეტები დაგეგმილზე მეტად გაიხარჯა, მიზეზად კი არამდგრად ამინდს ასახელებენ. მათივე განმარტებით, 2016 წელს რაკეტების გამოყენება 6 მაისიდან დაიწყო და მარაგის სახით 1 262 რაკეტა ჰქონდათ. წელს რაკეტების გასროლა 8 აპრილს დაიწყო, მარაგის სახით კი - 1 810 რაკეტა იყო.

"2017 წლის სეზონის მეტეოროლოგიური პირობების არამდგრადობისა და სეტყვასაშიში პირობების მასიურობის გამო სეტყვასაწინააღმდეგო რაკეტების გასროლა ხორციელდებოდა ინტენსიურად," - ამბობენ დელტაში.