დეკანოიძეს და გოცირიძეს პოლიტიკური ჯგუფის შექმნაზე უარი ეთქვათ
![](http://monica.on.ge/2023/05/04/4elxfobshkrjflx_64537ecc88b39.jpg)
ფოტო: სქრინი ვიდეოდან
0
წაკითხვა
0
კომენტარი
0
გაზიარება
ევროოპტიმისტებს რეგისტრაციაზე პარლამენტის საპროცედურო საკითხთა და წესების კომიტეტმა უარი უთხრა.
დეტალები: დღევანდელ სხდომაზე, კომიტეტის თავმჯდომარემ, ირაკლი ქადაგაშვილმა განაცხადა, რომ პოლიტიკური ჯგუფების შექმნის უფლება აქვს დეპუტატებს, რომლებიც პარლამენტში ერთი პარტიის სიით მოხვდნენ და შემდეგ პარტია დატოვეს.
- ხოლო არსებული რეგლამენტით, ეს შესაძლებლობა არ ვრცელდება საარჩევნო ბლოკის სიით გასულ იმ დეპუტატებზე, რომელთა პარტიასაც პარლამენტში ფრაქცია აქვს შექმნილი.
ევროოპტიმისტები: გასულ კვირას დეკანოიძემ და გოცირიძემ ახალი პოლიტიკური ჯგუფის შექმნა დააანონსეს.
- "მიგვაჩნდა და დღესაც მიგვაჩნია, რომ საქართველოს პარლამენტი არის უდიდესი რესურსი, რომლის არგამოყენება სრული დატვირთვით არის დანაშაულის ტოლფასი", — აცხადებდა რომან გოცირიძე და იმედოვნებდა, რომ ორ კაციან საპარლამენტო ჯგუფს მომავალში სხვა დეპუტატებიც შეუერთდებოდნენ.
- ჯგუფისთვის სახელის შერჩევასთან დაკავშირებით გოცირიძემ დახმარება სოციალურ ქსელ ფეისბუქზე ითხოვა.
- დეპუტატის განცხადებით, კომენტარებში ხშირად იყო ნახსენები სიტყვა ევროპის სხვადასხვა ვარიაცია, რამაც იგი საბოლოო ვარიანტამდე მიიყვანა.
- "ჩათვალეთ, რომ ნათლობაში მიიღეთ მონაწილეობა", — მადლობას უხდის გოცირიძე ციფრულ აუდიტორიას.
კონტექსტი: ხატია დეკანოიძემ და რომან გოცირიძემ ნაციონალური მოძრაობა მას შემდეგ დატოვეს, რაც პარტიის თავმჯდომარე ლევან ხაბეიშვილი გახდა.
- დეპუტატები თანაპარტიელებთან არსებულ აზრთა სხვადასხვაობაზე საუბრობდნენ, ძირითადად კი, საპარლამენტო ბოიკოტსა და სესიებში არმონაწილეობას ეწინააღმდეგებოდნენ.
-
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
-
გადახედვა
-
-
გადახედვა
-
-
-
გადახედვა
-
-
კომენტარები