ISCA Academy-ში მას შემდეგ რაც მოსწავლე ბიჭებს დირექტორმა სკოლაში შორტებით სიარული აუკრძალა გონივრულ გამოსავალს მიაგნეს და გაკვეთილებზე კაბებით გამოცხადდნენ.

"ძალიან ცხელა, ჩვენ კიდევ გვეუბნებიან რომ შორტებით მოსვლა დაუშვებელია", - ამბობს ერთ-ერთი მოსწავლე.

სკოლის სასწავლო ნაწილი აიმე მიტჩელი კი განმარტავს, რომ შორტები სკოლის უნიფორმების დრესკოდის ნაწილი არ არის, სწორედ ამიტომ აუკრძალა დირექტორმა ბიჭებს მათი ჩაცმა.

"ყველაფერს ვიზამთ იმისთვის, რომ ყველამ ჩვენს სკოლაში თავი კომფორტულად იგრძნოს. ამ ეტაპზე შორტები ჩვენი უნიფორმის ნაწილი არ არის, თუმცა ამ ცვლილებასთან დაკავშირებით აუცილებლად გავივლით კონსულტაციებს ბავშვებთანაც და მათ მშობლებთანაც.", - ამბობს მიტჩელი.