სეზონზე თბილისი-ბათუმის მიმართულებით მატარებლების ღირებულება ძვირდება. საქართველოს რკინიგზაში კი ამბობენ, რომ ღირებულება კი არ ძვირდება, არამედ მასზე ის ფასდაკლება იხსნება, რომელიც არა სეზონის განმავლობაში მოქმედებს. სეზონური ფასები ივლისის დასაწყისიდან 15 სექტემბრამდე იმოქმედებს.

ტარიფები:

  • ბიზნეს კლასი [არასეზონური ფასი] - 35 ლარი, სეზონზე - 55 ლარი;
  • პირველი კლასი [არასეზონური ფასი] - 25 ლარი, სეზონზე - 45 ლარი;
  • მეორე კლასი [არასეზონური ფასი] - 18 ლარი, სეზონზე - 24 ლარი;

"ჩვენ პირიქით გავაიაფეთ ეს ფასი მთელი წლის განმავლობაში, რომელიც ადრე იყო უცვლელი, ახლა არის მხოლოდ ზაფხულის დროს," - აღნიშნავს On.ge-სთან საუბრისას საქართველოს რკინიგზის საზოგადოებასთან ურთიერთობის სამსახურის ხელმძღვანელი, დაჩი ცაგურია.

ცაგურიას თქმით, გარდა სეზონური ფასდაკლების მოხსნისა, ბიზნეს კლასის და პირველი კლასის ბილეთებზე ფასის კიდევ უფრო გაზრდა განიხილება.