The Hunger Games-ის მსახიობმა, უილოუ შილდსმა, ინსტაგრამზე შიშველი ფოტო გამოაქვეყნა და სოციალური ქსელების მომხმარებლებს აუხსნა, რომ ეს ბოლომდე მისი არჩევანი არ ყოფილა.

უილოუმ განმარტა, რომ შიშველის ფოტოების გამოქვეყნებით ის ადამიანი აშანტაჟებს, რომელმაც მსახიობის პირად ფოტოებზე წვდომა მოიპოვა. უილოუ არ ამბობს, ვინ აშანტაჟებს, თუმცა მსახიობმა გადაწყვიტა, რომ შიშველი ფოტო თავად გამოექვეყნებინა.

"მაშანტაჟებენ და მემუქრებიან, რომ ჩემს შიშველ ფოტოებს გაავრცელებენ. ასეთი პირადი ფოტოების მსოფლიოსთვის გაზიარება კი არასდროს მქონია გამიზნული. ვცდილობ, სიტუაცია ვაკონტროლო, ამიტომ ფოტოს თავად გიზიარებთ. ელექტრონული ფოსტით სწორედ ეს ფოტო გამომიგზავნეს და მემუქრებიან, რომ ფოტოს ჩემი მეგობრები, ოჯახი და ინტერნეტი მალე ნახავს. ისინი მწერენ, რომ "ნაკლებად მოკრძალებული" ფოტოებიც აქვთ ჩემ წინააღმდეგ", — წერს მსახიობი ინსტაგრამზე.

მსახიობის თქმით, შანტაჟის შესახებ FBI -ს უკვე შეატყობინა და იმედოვნებს, რომ საქმის გამოძიება მალე დაიწყება. "ჩემს სხეულთან დაკავშირებით გადაწყვეტილებების მიღების უფლებას არავის მივცემ. ასევე, ჩემი კონტროლის უფლებასაც არავის მივცემ", — დასძინა უილოუმ.

The Hunger Games-ის მსახიობმა იმ ადამიანებს მხარი დაუჭრია, რომლებსაც შიშველი ფოტოების გავრცელებით ემუქრებიან. "ფოტოს კიდევ იმიტომ ვაზიარებ, რომ ვიცი, შურისძიების მიზნით, პორნოსა და შიშველი ფოტოების გავრცელებით უამრავი ადამიანი ზარალდება. ამას ჰაკერები და ის კრიმინალები აკეთებენ, რომლებსაც სურთ, ფიზიკურად და სულიერად გაგვანადგურონ. ეს ყველაფერი მესმის და ვწუხვარ, რომ ასე ხდება. ეს ჩემი სხეულია და ვისაც მინდა, იმას ვაჩვენებ", — წერს უილოუ.

შეგახსენებთ, რომ უილოუ შილდსი მაყურებელმა The Hunger Games-ში შესრულებული როლით გაიცნო. The Hunger Games-ში უილოუ ქეთნისის დის, პრიმის, როლს ასრულებდა. მოგვიანებით კი მსახიობი The Wonder-სა და Spinning Out-ში მთავარ როლში ვიხილეთ.