მომღერალი ადელი ლონდონის სახანძრო სადგურს ესტუმრა და ის თანამშრომლები მოინახულა, რომლებიც რამდენიმე დღის წინ, გრენფელ თაუერში გაჩენილი ხანძრის დროს ადამიანებს ეხმარებოდნენ.

როგორც მოგვიანებით სახანძრო სადგურის ბრიგადის ტვიტერის გვერდზე დაიწერა, ადელი მათთან სასაუბროდ მივიდა და ჩაიც მიირთვა.

შეგახსენებთ, რომ 14 ივნისს დასავლეთ ლონდონში, 24-სართულიან შენობას ხანძარი გაუჩნდა. ადგილზე 200 მეხანძრე მუშაობდა. ხანძარი შუაღამისას გაჩნდა, როდესაც შენობაში მცხოვრებ ადამიანთა უმრავლესობას ეძინა. მაშინ როდესაც მეხანძრეები ცეცხლის ჩაქრობასა და ადამიანების გადარჩენას ცდილობდნენ, მათ გვერდით მომღერალ ადელიც იდგა, რომელიც შემთხვევის ადგილზე დაზარალებულებისთვის დახმარებას ცდილობდა.