რატომ არის მნიშვნელოვანი: დღეს ნაციონალური მოძრაობის ბათუმის ორგანიზაციაში ბრიფინგი გაიმართა, სადაც პარტიის თავმჯდომარის, ლევან ხაბეიშვილის გადადგომა მოითხოვეს.

  • გიორგი კირთაძის განცხადებით, ლევან ხაბეიშვილმა შეცვალა ბათუმელების ნება და საკრებულოს სიიდან ოთხი ადამიანი ამოიღო.
  • "მე მიმაჩნია, რომ წარმოუდგენლად ცუდი რამე მოხდა და ნაციონალური მოძრაობა ასეთ თავმჯდომარეს არ იმსახურებს", — თქვა მან.

დეტალები: გიორგი ბოტკოველის განმარტებით, კონკრეტული ადამიანი სიიდან ბათუმის საქალაქო ორგანიზაციის რეკომენდაციით ამოიღეს, საკრებულოს წევრის უფლებამოსილება კი არ შეუწყვეტიათ.

  • "ასეთი გადაწყვეტილება მიუღია პარტიის წინა მენეჯმენტსაც, იმის წინა მენეჯმენტსაც და ეს ნებისმიერ პარტიაში არის ჩვეულებრივი პროცესი, როდესაც კონკრეტული ადამიანის ამოღება ხდება სიიდან", — თქვა მან.
  • მისივე მტკიცებით, ენმ-ში არანაირი ფლანგები არ არსებობს — "ნაციონალური მოძრაობა არის ერთი ჯანსაღი ნაწილი, რომლის ფლანგებად დაყოფა ჩემთვის არის მიუღებელი".