ამის შესახებ ერთიანი ნაციონალური მოძრაობის ბათუმის ორგანიზაციაში ბრიფინგი გაიმართა.

რატომ არის მნიშვნელოვანი: გიორგი კირთაძის თქმით, ლევან ხაბეიშვილმა შეცვალა ბათუმელების ნება და საკრებულოს სიიდან ოთხი ადამიანი ამოიღო.

  • "მე მიმაჩნია, რომ წარმოუდგენლად ცუდი რამე მოხდა და ნაციონალური მოძრაობა ასეთ თავმჯდომარეს არ იმსახურებს", — თქვა კირთაძემ.

დეტალები: მისივე განცხადებით, ლევან ხაბეიშვილი დაკავებული უნდა იყოს წინასაარჩევნო დაპირების შესრულებით, უნდა ჰქონდეს უწყვეტი საპროტესტო აქციები მიხეილ სააკაშვილის გასათავისუფლებლად და აქტიურად მუშაობდეს ნიკა გვარამიას გათავისუფლებაზე.

  • ამბობს, რომ ენმ-ის თავმჯდომარე უნდა პასუხობდეს სხვა გამოწვევებს, რაც ქვეყანაშია.
  • "წამლებს არ ყიდულობს რუსული ოცნება ჩვენი გადახდილი ფულით ბავშვებისთვის, ევროპასთან კიდევ უფრო მეტი დაშრება გვაქვს და საშინელ მდგომარეობაშია ჩვენი ქვეყანა", — განაცხადა კირთაძემ.
  • მისი თქმით, ამ დროს ლევან ხაბეიშვილი იცლის იმისთვის, ნაცვლად ამ საკითხების გადაწყვეტისა, რომ ცვლის ბათუმელების ნებას, რისთვისაც მარტივი ხელმოწერა დასჭირდა.