25 წლის კენიელმა კაცმა ქალთა საჭადრაკო ტურნირზე შეღწევა ჰიჯაბში გამოწყობილმა სცადა. მართალია, კაცი ქალის სახელით დარეგისტრირდა და ტურნირში რამდენიმე მოჭადრაკეს შეეჯიბრა, თუმცა ის მაინც საეჭვოდ ჩათვალეს და ბოლოს გამოააშკარავეს.

ტურნირის ორგანიზატორების განცხადებით, კენიელი კაცი საეჭვოდ მას შემდეგ მიიჩნიეს, რაც ძლიერი მოჭადრაკეები დაამარცხა, თუმცა მას აქამდე არავინ შეხვედრია და იცნობდა. გარდა ამისა, კენიელ კაცს ფეხსაცმელებზე დააკვირდნენ და ეჭვი მიიტანეს, რომ შეიძლება კაცი ყოფილიყო.

ფოტო: BBC

კაცმა გამოაშკარავების შემდეგ ბოდიში მოიხადა და განაცხადა, რომ ტურნირში მონაწილეობა ფინანსური პრობლემების გამო გადაწყვიტა, თუმცა ნებისმიერი შედეგისთვის მზად არის. კაცს რამდენიმე წლით საჭადრაკო ტურნირებში მონაწილეობა აეკრძალა.

"შევნიშნეთ, რომ ის საერთოდ არ ლაპარაკობდა. ჩვეულებრივ, როცა ჭადრაკს თამაშობ, მოწინააღმდეგეს ესაუბრები, რადგან ჭადრაკის თამაში ომი არ არის, ეს მეგობრობაა", — განაცხადა ტურნირის ერთ-ერთმა მონაწილემ.

ქალთა საჭადრაკო ტურნირზე წელს 99 მონაწილე იყო დარეგისტრირებული, პირველ ადგილზე გასულ მოჭადრაკეს კი 3000 დოლარი გადაეცა.