რა მოხდა: 17 მარტს, დიდ დიღომში, იოანე პეტრიწის ქუჩასთან მდებარე ნაგავსაყრელად ქცეულ ტერიტორიაზე, 12 წლის მოზარდი გარდაცვლილი იპოვეს.

  • ოჯახის წევრები და ახლობლები არასრულწლოვანს 16 მარტის საღამოდან ეძებდნენ.
  • მომხდარზე გამოძიება სსკ-ის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.
  • 5 მარტს უფლებადამცველმა ორგანიზაციამ, უფლებები საქართველომ, გაავრცელა განცხადება, რომ ადვოკატებსა და ოჯახის წევრებს გარდაცვალების ადგილი სახეცვლილი დახვდათ, რამაც საკვანძო მნიშვნელობის მტკიცებულებები გაანადგურა.
  • ორგანიზაცია მომხდარს ადგილობრივი გამგეობის მიერ ადგილზე დაწყებულ კეთილმოწყობის სამუშაოებს უკავშირებდა.

დეტალები: მერიის განცხადებით, გარდაცვალების ადგილი არ იყო შემოსაზღვრული სპეციალური ნიშნით და არ არსებობდა საგამოძიებო მოქმედებების მიმდინარეობის არანაირი ნიშანი.

  • "ინფორმაცია იმის შესახებ, თითქოს, გამგეობამ კეთილმოწყობის სამუშაოების შედეგად გარდაცვლილი მოზარდის საქმესთან დაკავშირებული მტკიცებულებების განადგურება სცადა, არის სრული სიცრუე", — აცხადებენ უწყებაში.
  • მათივე თქმით, ადგილზე გამგეობამ გაველურებული ხე-მცენარეები და ეკალ-ბარდები გასხლა.
  • "მსგავსი სამუშაოები ჩატარდა პეტრიწის ქუჩა N12 კორპუსის მიმდებარედ არსებულ ე.წ. წითელ ხაზებში, რადგან კორპუსის ამხანაგობის მხრიდან შემოსული იყო წერილი ტერიტორიის მოწესრიგების მოთხოვნით. ამასთან, ანალოგიური მოთხოვნა გავრცელდა სოციალურ ქსელ ფეისბუქის ერთ-ერთ საჯარო ჯგუფში, რომელიც დიდი დიღმის მცხოვრებლებს აერთიანებს".