"10 ივნისიდან, ნებისმიერ პაციენტს, მიუხედავად დაავადების სიმძიმისა, საშუალება მიეცემათ ჩაერთონ პროგრამაში ყოველგვარი შეფერხების გარეშე",- ეს განცხადება ჯანდაცვის მინისტრმა დავით სერგეენკომ დღეს გამართულ ბრიფინგზე გააკეთა.

მისივე თქმით, C ჰეპატიტის პროგრამაში ჩართვის კრიტერიუმები გაუქმდება, ყველა დაავადებული მოქალაქე ღვიძლის დაზიანების ხარისხის სიმძიმის მიუხედავად მიიღებს C ჰეპატიტის სამკურნალო მედიკამენტებს უსასყიდლოდ:

"თუკი აქამდე პაციენტს განაცხადის შეტანიდან, მკურნალობის დაწყებამდე სჭირდებოდა საშუალოდ 2 თვე, ჩვენ ამ პროცესს ვამცირებთ და ეს გახდება სადღაც ორი კვირის ფარგლებში. ასევე, საშუალებას მივცემთ პაციენტების მაქსიმალურ რაოდენობას რომ ჩაერთონ პროგრამაში".

მინისტრის განცხადებით ახალი სერვის ცენტრებიც დაემატება და ერთ-ერთი იქნება თბილისში, ფალიაშვილის 110-ში.