საქართველოს ნაკრებმა ევრო 2024-ის შესარჩევი ეტაპი ნორვეგიასთან საშინაო მატჩით დაიწყო. ნორვეგია პირველ ტაიმში საგრძნობ უპირატესობას ფლობდა და სორლოტის გოლით დაწინაურდა. ერთ ეპიზოდში კი გიორგი მამარდაშვილმა შეძლო ბურთის მოგერიება. საქართველოს ნაკრების მხრიდან ერთ-ერთი ყველაზე მნიშვნელოვანი საგოლე შანსი ხვიჩა კვარაცხელიას ჰქონდა, რომელიც თავად შექმნა.

მეორე ნახევარში მთავარი მწვრთნელის, ვილი სანიოლის ცვლილებებმაც გაამართლა — ბუდუ ზივზივაძის პასის შემდეგ, გიორგი მიქაუტაძემ ანგარიში გაათანაბრა.

საქართველოს რამდენიმე საგოლე მომენტის გარდა, ორი რეალური შანსი ნორვეგიასაც ჰქონდა — სტუმართა კაპიტანმა მარტინ ოდეგორმა ხელსაყრელი პოზიციიდან კარს გადააცილა, ხოლო სორლლოტს დუბლის შესრულების საშუალება მამარდაშვილმა არ მისცა. ბოლო მომენტში საგოლე შანსი ისევ კვარაცხელიას ჰქონდა, თუმცა ხვიჩას დარტყმა შორეულ დაბალ კუთხეში კარს ოდნავ ასცდა.

ფოტო: nakrebi.ge

საბოლოო ჯამში, ბათუმური მატჩი ანგარიშით 1:1 დასრულდა. საქართველოს ნაკრები ევროპის ჩემპიონატის შესარჩევ ეტაპს ივნისში დაუბრუნდება. კერძოდ კი, 17 ივნისს საქართველო თემურ ქეცბაიას კვიპროსს ეწვევა, ხოლო 20 ივნისს შოტლანდიას ესტუმრება.

საქართველოს ბანკი ქართული ფეხბურთის მხარდამჭერი და ეროვნული ნაკრების მთავარი სპონსორია!