ქვეყანა ბოლო ათწლეულების განმავლობაში ერთ-ერთ ყველაზე დიდ სატრანსპორტო კრიზისს განიცდის.

რატომ არის მნიშვნელოვანი: გერმანიის ორი უმსხვილესი პროფკავშირი ითხოვს სატრანსპორტო სფეროში დასაქმებულთათვის ხელფასების გაზრდას, რაც მათი განმარტებით ქვეყანაში ფასების ზრდითაა განპირობებული.

  • გაფიცვას ადგილობრივ მედიაშ "მეგა გაფიცვა" უწოდეს, რომელიც შეეხო სამგზავრო და რეგიონულ მატარებლებს, რომლებსაც ოპერირებას უწევს Deutsche Bahn, გერმანიის ეროვნული სარკინიგზო ოპერატორი.
  • დამსაქმებლების ზოგიერთმა წარმომადგენელმა პროფკავშირების მოთხოვნას არაგონივრული უწოდა.

დეტალები: გერმანიის შვიდ შტატში არ ფუნქციონირებს ადგილობრივი სატრანსპორტო მომსახურება, მათ შორის ტრამვაი და ავტობუსები.

  • გაუქმდა ათასობით ფრენა, მათ შორის ქვეყნის ორ უდიდეს, მიუნხენისა და ფრანკფურტის აეროპორტებში.
  • გერმანიის აეროპორტების ასოციაციის შეფასებით, გაფიცვის შედეგად დაახლოებით 380 000 საჰაერო მგზავრი დაზარალდება.
  • ორშაბათის გაფიცვა მოჰყვა თებერვალში მსგავს გაფიცვას, როდესაც გაუქმდა 2300-ზე მეტი ფრენა და მცირე და საშუალო ბიზნესის ასოციაციების წარმომადგენლებმა პროფკავშირები საკუთარი ინტერესებისთვის მთელი ქვეყნის მძევლად აყვანაში დაადანაშაულეს.