ჩაცმულობის წესში ცვლილება დახურულ და ღია აუზებსაც ეხება.

რატომ არის მნიშვნელოვანი: გადაწყვეტილება გერმანიის დედაქალაქში ცურვის შესახებ ტანსაცმლის წესების შესაცვლელად მას შემდეგ მიიღეს, რაც ბერლინის 33 წლის მკვიდრმა, მეისმა საჩივარი შეიტანა და საჯარო აუზიდან მკერდის გამოჩენის გამო გაძევება გააპროტესტა.

  • ქალმა მოითხოვა იგივე უფლებები, რითაც საზოგადოებრივ აუზებზე კაცები სარგებლობენ.
  • სასამართლო გადაწყვეტილების თანახმად, ნებისმიერს, განურჩევლად სქესისა, შეუძლია საჯარო აუზზე მკერდი გამოაჩინოს და თავად გადაწყვიტოს, რა ტიპის საცურაო კოსტიუმის მორგება უნდა.

დეტალები: ცვლილება შესაძლებლობას აძლევს როგორც დამსვენებლებს, ასევე ადგილობრივებს, არ ატარონ აუზზე ბიუსტჰალტერი.

  • მეისი, რომლის სასამართლო საქმეც გარდამტეხი გახდა, აცხადებდა, რომ თავს დამცირებულად და დისკრიმინირებულად გრძნობდა, როცა საჯარო აუზის დატოვება მოსთხოვეს.
  • "ყველას უნდა ჰქონდეს ერთი და იგივე შესაძლებლობა და, უპირველეს ყოვლისა, არჩევანის თავისუფლება, განსაკუთრებით მაშინ, როცა საქმე საკუთარ სხეულს ეხება", — განაცხადა მან Guardian-თან ინტერვიუში.
  • მეისი აპროტესტებდა "დაუწერელ მორალურ კანონებს, რომლებიც ქალებს კაცებმა დაუწესეს".
  • 2022 წლის მაისში, გეტინგენი ქვემო საქსონიაში გახდა პირველი გერმანიის ქალაქი, რომელმაც ქალებს ნება დართო ღია და დახურულ აუზებზე ბიუსტჰალტერის გარეშე ეცურათ.