ICC პუტინის ორდერის გამო რუსეთის "მუქარით" შეშფოთებულია.

რატომ არის მნიშვნელოვანი: რუსეთის ექს პრეზიდენტი ამჟამინდელის დაკავების ორდერს ტრადიციული რიტორიკით გამოეხმაურა და სამხედრო დანაშაულების ტრიბუნალს ჰიპერბგერითი რაკეტებით თავდასხმით დაემუქრა.

  • ჰააგის სასამართლომ რუს დიქტატორზე დაპატიმრების ორდერი ათასობით უკრაინელი ბავშვის უკანონო დეპორტაციისთვის გასცა, რაც ომის დანაშაულია.

დეტალები: ICC-ის მონაწილე სახელმწიფოთა ასამბლეის თავმჯდომარეობამ განაცხადა, საერთაშორისო სისხლის სამართლის სასამართლო განასახიერებს კოლექტიურ ვალდებულებას იმუშაონ უმძიმესი საერთაშორისო დანაშაულების დასასჯელად.

  • "ჩვენ მოვუწოდებთ ყველა სახელმწიფოს პატივი სცენ მის სასამართლო და პროკურატურის დამოუკიდებლობას", — დასძინა მან.
  • კანონიერი ორდერი სასამართლოს 123 წევრ ქვეყანას ავალდებულებს, დააპატიმრონ პუტინი და გადაიყვანონ ჰააგაში სასამართლოში, თუ ის მათ ტერიტორიაზე ფეხს დადგამს.
  • არც რუსეთი და არც უკრაინა არ არიან ICC-ის წევრი, თუმცა კიევს მიენიჭა სასამართლოს იურისდიქცია მის ტერიტორიაზე ჩადენილი დანაშაულების დევნაზე. ტრიბუნალს ასევე არ ჰყავს საკუთარი პოლიცია და ეყრდნობა წევრ ქვეყნებს დაპატიმრებების განსახორციელებლად.
  • პარალელურად, რუსეთის უმაღლესმა საგამოძიებო ორგანომ ICC-ის პროკურორის, კარიმ ხანის წინააღმდეგ სისხლის სამართლის საქმე აღძრა.