ამის შესახებ ინფორმაცია, როგორც კომპანია საირმე, ისე აგრო მეურნეობის, ვაჭრობისა და მრეწველობის პროფკავშირი ლაბორი ავრცელებს.

რატომ არის მნიშვნელოვანი: გაფიცულები ღირსეულ სამუშაო პირობებსა და სამართლიან ანაზღაურებას ითხოვდნენ.

  • კომპანიის განცხადებით, მხარეები შეთანხმდნენ ყველა პრინციპულად მნიშვნელოვან საკითხებზე.
  • წარდგენილი წინადადება და შეთანხმების პირობები წარმოადგენდა სრულიად მისაღებს გაფიცული თანამშრომლებისთვის და იმ მიზნისთვის, რომ კომპანიას მაქსიმალური დატვირთვით გაეგრძელებინა მუშაობა", — ვკითხულობთ განცხადებაში.

დეტალები: კომპანიის განცხადებაში, რომელიც 20 მარტის ღამით გავრცელდა, ნათქვამია, რომ დისტრიბუტორთა ბიზნეს ასოციაციის მხარდაჭერით, მიღწეულ იქნა შეთანხმება გაფიცულ თანამშრომლებთან, რომლებიც ერთ დღეში სამუშაო პროცესს შეუერთდებიან.

  • როგორც საირმეში ამბობენ, მოლაპარაკებისას გამოიკვეთა მხარეთათვის აქტუალური და მნიშვნელოვანი საკითხები, წარდგენილ იქნა პოზიციები და წინადადებები არსებული საკითხების გადაჭრის შესაძლებლობებზე.
  • "მოლაპარაკებების პროცესში მონაწილეობდა ა(ა)იპ საქართველოს პროფესიული კავშირების გაერთიანება, რომელმაც მნიშვნელოვანი როლი შეასრულა მხარეთა მოლაპარაკების პროცესში";