ქარტია TV პირველის ჟურნალისტზე თავდასხმის ფაქტს ეხმაურება.

რატომ არის მნიშვნელოვანი: დღეს, 15 მარტს ოზურგეთის სოფელ ბახვში TV პირველის ჟურნალისტს, ნატო გოგელიას თავს დაესხნენ.

  • არხის ინფორმაციით, თავდამსხმელი მამუკა ანდღულაძეა და ის ერთ-ერთია იმ პირებს შორის, ვინც პარლამენტთან ევროკავშირის დროშა ჩამოგლიჯა.
  • მათი ცნობით, ჟურნალისტების გამოჩენის შემდეგ, ანდღულაძემ დაამტვრია მობილური ტელეფონი, რომლითაც ის ვიდეოს იღებდა და ფიზიკური შეურაცხყოფა მიაყენა გოგელიას.
  • საგამოძიებომ გამოძიება პროფესიულ საქმიანობაში უკანონოდ ხელის შეშლის ფაქტზე დაიწყო.

დეტალები: ქარტია კიდევ ერთხელ აღნიშნავს, რომ ბოლო პერიოდში ჟურნალისტებზე გახშირებული თავდასხმების გამომწვევი ფაქტორები მედიის წარმომადგენლების მიმართ ჩადენილი დანაშაულების გაჭიანურებული და გამოუძიებელი საქმეებია.

  • 'ქარტია მოუწოდებს სპეციალურ საგამოძიებო სამსახურს, დაწყებული გამოძიების ფარგლებში სწრაფად და ეფექტიანად შეისწავლონ ნატო გოგელიაზე თავდასხმის ფაქტი", — ნათქვამია განცხადებაში.