ამის შესახებ განცხადებას თანასწორობის მოძრაობა ავრცელებს, რომელიც დაზარალებულის ინტერესებს იცავდა.

რატომ არის მნიშვნელოვანი: 2022 წლის 5 აგვისტოს ანგლიკანური ეკლესიის პასტორალურმა ლიდერმა ფეისბუქ გვერდზე დაწერა, რომ მათ ეკლესიაში პირველად იქორწინა ერთნაირსქესიანმა წყვილმა.

  • უფლებადამცველი ორგანიზაციის ცნობით, რამდენიმე წუთში მას ტელეფონზე დაუკავშირდა პიროვნება, რომელიც ემუქრებოდა სიცოცხლის მოსპობით, პოსტის კომენტარებში კი წერდა ძალადობრივ მოწოდებებს და იმუქრებოდა როგორც ეკლესიის, ასევე, მრევლის სიცოცხლის მოსპობით.
  • იმის გამო, რომ მუქარის განმახორციელებელი არცერთი პირი არ დასჯილა, დღემდე ანგლიკანური ეკლესიის ლიდერი საცხოვრებელ სახლში აღავლენდა ღვთისმსახურებას.

დეტალები: 14 მარტს სასამართლომ ანგლიკანური ეკლესიის პასტორალური ლიდერი დაზარალებულად ცნო.

  • ძალადობრივი ჯგუფის, ალტ-ინფოს წევრს კი წარედგინა ბრალდება სსკ-ის 151-ე მუხლის პირველი ნაწილით, რაც მუქარას გულისხმობს.