The Last of Us-ის პირველი სეზონი ემოციური ფინალით დასრულდა, ყველაზე დასამახსოვრებელი კი ჟირაფებისა და მიტოვებული საავადმყოფოს სცენები იყო. სერიალის რეჟისორების თქმით, მათ სურდათ, რომ ბოლო ეპიზოდი თამაშში მიმდინარე მოვლენებთან ძალიან მიმსგავსებული ყოფილიყო და ასევე, მაქსიმალურად რეალური სცენებიც გადაეღოთ.

ფოტო: HBO

"ჩვენი ამოცანა იყო, რომ თამაშთან მაქსიმალურად ახლოს ყოფილიყო ის ადგილები და გზები, რომლებსაც ჯოელი გადის. საბოლოოდ, ქალაქ კალგართან ახლოს ერთი მიტოვებული საავადმყოფო ვიპოვეთ", — განაცხადა რეჟისორმა კრეიგ მაზინმა. მისივე თქმით, მიტოვებული საავადმყოფო გადაღებეს და კიდევ უფრო ძველ ადგილს დაამსგავსეს, რათა მცირე დეტალებშიც კი თამაშის მსგავსი ყოფილიყო.

საავადმყოფოში მისვლას წინ უძღოდა ჟირაფების სცენა, რომელიც ასევე თამაშიდან არის აღებული და სერიალის მაყურებლებსაც ძალიან მოეწონათ. სანამ მთავარი პერსონაჟები ქალაქს მიუახლოვდებიან, ჯოელთან საუბრის შემდეგ ელი გათავისუფლებულ ჟირაფს აჭმევს. როგორც სერიალის რეჟისორები ამბობენ, სცენაში ნამდვილი გაწვრთნილი ჟირაფია გადაღებული, რომელიც კალგარის ზოოპარკიდან წამოიყვანეს. ჟირაფებს გარკვეული პერიოდის განმავლობაში წვრთნიდნენ, რათა უცხო ადამიანის მიერ მიწოდებული საკვები ეჭამათ.

ფოტო: Twitter

The Last of Us-ს მე-2 სეზონი უკვე დაუმტკიცდა, თუმცა პრემიერის თარიღი ჯერჯერობით უცნობია. ახლახან გავრცელებული ინფორმაციით კი, მე-2 სეზონში ბელა რემზი ისევ ელის განასახიერებს, იმის მიუხედავად, რომ პერსონაჟი იზრდება.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…