ამის შესახებ სამართალდამცავი უწყება განცხადებას ავრცელებს.

რატომ არის მნიშვნელოვანი: დღეს, 14 მარტს, პარლამენტთან ზურაბ მახარაძემ და სხვა პრორუსმა მოძალადეებმა ევროკავშირის დროშა ჩამოხსნეს, დაგლიჯეს და დაწვეს.

  • საჯარო დაწესებულების მიერ აღმართული ევროპის კავშირის, ნატოსა ან სხვა საერთაშორისო ორგანიზაციის ოფიციალური სიმბოლოს შებღალვა ადმინისტრაციულ სამართალდარღვევათა კოდექსის 174-ე (მე-18 პრიმა) მუხლით ისჯება.

დეტალები: შსს-ის განცხადებით, სამართალდამრღვევ პირებს დააჯარიმებენ, კანონის დარღვევის ფაქტებს კი მკაცრი სამართლებრივი რეაგირება მოჰყვება.

  • "შინაგან საქმეთა სამინისტრო თბილისში, პარლამენტის მიმდებარე ტერიტორიაზე მიმდინარე აქციის მონაწილეებს მოუწოდებს, არ გასცდნენ შეკრებისა და გამოხატვის თავისუფლების კანონით დასაშვებ ფარგლებს, დაიცვან საზოგადოებრივი წესრიგის ნორმები და დაემორჩილონ პოლიციელთა კანონიერ მოთხოვნებს", — ნათქვამია განცხადებაში.