ინფორმაციას ზურაბ ჯაფარიძის ფეისბუქგვერდის ადმინისტრაცია ავრცელებს.

რატომ არის მნიშვნელოვანი: გირჩი — მეტი თავისუფლების ლიდერი, ზურაბ ჯაფარიძე და წევრი, ნიკა მოსიაშვილი 7 მარტს რუსული კანონის საწინააღმდეგო აქციაზე დააკავეს და სცემეს.

  • ჯაფარიძის ცოლმა, ნატა ქორიძემ თქვა, რომ აქციაზე ჯაფარიძეს თავში მიაყენეს დაზიანებები, შემდეგ კი შესაბამისი სამედიცინო დახმარება არ გაუწიეს.
  • გათავისუფლების შემდეგ, ჯაფარიძე ამბობდა, რომ ისინი არა დაკავებულები, არამედ გატაცებული და ნაცემი იყვნენ და მათ მიმართ ანგარიშსწორებას ჰქონდა ადგილი.
  • დაცვის მხარე სამართალდარღვევის არარსებობის გამო ადმინისტრაციული საქმის შეწყვეტას ითხოვს.

დეტალები: პარტიის ინფორმაციით, ნიკა მოსიაშვილი, რომელმაც დაზიანებები დაკავების დროს მიიღო, ჰოსპიტალიზებულია.

  • პარტიის ცნობით, ადვოკატმა სასამართლო პროცესის გადადების შუამდგომლობა დააყენა, რადგან პროცესზე დასწრებას ვერცერთი ვერ ახერხებს.
  • "შუამდგომლობა დაკმაყოფილდა და სასამართლო პროცესი გაიმართება 5 აპრილს, 16:00 საათზე".