უკვე ყველასთვის ცნობილია, რომ პარლამენტში რუსულ კანონს განიხილავენ, რომლის მიზანია, ყველა არასამთავრობო ორგანიზაცია და მედია, რომელსაც შემოსავლების 20%-ზე მეტი უცხოეთიდან აქვს, "უცხოური გავლენის აგენტების" რეესტრში შეიყვანოს.

რუსული კანონი საფრთხეს უქმნის მედიას, არასამთავრობო ორგანიზაციებს, დასავლურ ინსტიტუტებსა და ქვეყნის ევროპულ მომავალს. კანონპროექტი უამრავი სფეროს წარმომადგენელმა გააკრიტიკა, მათ შორის კი თანამედროვე ჯგუფებიც არიან. ამ სტატიაში სწორედ მათ განცხადებებს შემოგთავაზებთ.

1. არა

"არავის გაუკვირდება, რომ ჩვენს ბოლო პერიოდში არცთუ ისე აქტიურ ფეისბუქ გვერდზე დუმილს, სწორედ იმ ყოვლად გაუგონარი, აბსურდული კანონის წინააღმდეგ ვარღვევთ, რომელიც ყველა ჩვენგანის ნებას ეწინააღმდეგება. ჩვენმა ქვეყანამ ბევრი იბრძოლა თავისუფლებისთვის და საკუთარი ევროპული მომავალი დიდი ხნის წინ აირჩია.
ეს არჩევანი ურყევია და მის წინააღმდეგ წასვლა არავის გაუვა. გრძელი სიტყვა მოკლედ ითქმის, ამიტომაც არა რუსულ კანონს", — ვკითხულობთ ჯგუფის განცხადებაში.

2. Bedford Falls

"yo, თქვენ, — ვიღაც ჩინოვნიკებო, ვისი საქმეც ჩვენი კეთილდღეობაა, ვინც ამ კანონს თავხედურად გვტენით, ცდილობთ რომ რუსული რეჟიმის სატელიტი გაგვხადოთ და თან ამას ვითომ ქვეყნის ინტერესით ამართლებთ.

თუ გვართმევთ დასავლეთს, ესე იგი მომავალს გვართმევთ და მასთან ერთად ყველა იმ იმედს რაც კი შეიძლება რომ გვქონოდა, რადგანაც რუსული გავლენის ქვეყანაში იმედი არ არსებობს; არც ხელოვნება, არც თავისუფლება და არც სახელმწიფო", — წერს Bedford Falls.

3. 4D Monster Lobsters

"ყოველდღიურობაში შემოპარებულმა და უნებლიედ შეჩვეულმა, ხალხის ნების საპირისპიროდ გატარებულმა ქმედებებმა დღეს, საერთოდ სხვა სახე მიიღო.

ნებისმიერი პარტია, ინსტიტუტი თუ ინდივიდი რომელიც ჩვენს ქვეყანას ასე გულმოდგინედ რუსეთის კლანჭებისკენ მიათრევს, ქვეყნის ისეთივე მოღალატეა, როგორი ადამიანებითაც ჩვენი ისტორია ისედაც დახუნძლულია.

რუსული გავლენა, რუსული კანონი და ბინძური თანამედროვე რუსული "კულტურა" არცერთი ჩვენგანის არჩევანი არ ყოფილა, არ არის და არც არასდროს იქნება", — წერს ჯგუფი ფეისბუქზე.

5. MokuMoku

ჯგუფი რუსულ კანონს შემდეგ ფოტოთი გამოეხმაურა:

6. LOUDspeakers

"კანონი 'უცხოელი აგენტების რეგისტრაციის შესახებ' რუსული და არაკონსტიტუციურია, რადგან ის ეწინააღმდეგება კანდიდატის სტატუსის მიღებას და საქართველოს ევროპულ მომავალს", — წერს ჯგუფი ფეისბუქზე.

7. დაგდაგანი

"ევროპა ჩვენი ქვეყნის ისტორიული არჩევანია. ქართულ იდენტობასა და კულტურას რუსეთი ოდითგანვე ებრძოდა. ევროპა კი მულტიკულტურული კავშირია, რომლის ღირსეული წევრიც ადრე თუ გვიან აუცილებლად გავხდებით და ჩვენს უდიდეს წვლილს შევიტანთ ამ მრავალფეროვნებაში.

დაგდაგანი მხარს ვუჭერთ საქართველოს კონსტიტუციის 78-ე მუხლით გათვალისწინებულ დებულებას და არ ვეგუებით არცერთ ინიციატივას, რომელიც საფრთხეს უქმნის ჩვენი ქვეყნის ევროატლანტიკურ მომავალს", — ვკითხულობთ დაგდაგანის განცხადებაში.

8. Mellow

"საქართველოს შინაარსი არის თავისუფლებისთვის ბრძოლა! და ამ წამს ამაზე მნიშვნელოვანი არაფერია! შევხვდებით ევროპაში, ცივილოზებულ სამყაროში. ნუ გექნებათ სხვა მოლოდინები!
GO WEST
@fuckputin
@fuckrussia", — წერს ჯგუფი ფეისბუქზე.