გორგილაძე: უჯანსაღესი ნაწილი იკრიბება ამ კანონპროექტის გასაპროტესტებლად

7 Mar. 2023, 13:46

ამ კანონის მიღება-არმიღება მართლა არის წყალგამყოფი. მე მგონია საერთოდ, რომ ამ კანონის ინიციირება უკვე არის ძალიან დიდი დანაშაული ჩვენი მეგობრების წინაშე, რომლებიც ჩვენგან ელოდებიან იმ სიგნალებს, რომლის მიხედვითაც, საქართველო უნდა იდგეს იმ დემოკრატიულ გზაზე, რომელიც ჩვენ კარს გაგვიხსნის ევროპულ ოჯახში დასაბრუნებლად.

სხვა ყველაფერს რომ თავი დავანებოთ, იმას, რომ, რა წერია იმ კანონში, იმას, რამხელა სიცრუე მოდის, როცა ამ კანონს ასაღებენ, როგორც ამერიკულ კანონს, სინამდვილეში კი, სიტყვასიტყვით არის რუსულ-უნგრული კანონი და მეტიც, ახსნაც კი ზუსტად ისეთივე აქვთ, როგორც ხსნიდნენ ამ ყველაფერს რუსეთში და რაც მოხდა ყველაფერი ყველამ კარგად დავინახეთ.

ამ ყველაფერს რომ თავი დავანებოთ, ფაქტია, რომ ყველა ჩვენი პარტნიორი, კეთილისმოსურნე ქვეყანა, რომლებსაც უნდათ, რომ მიგვიღონ ევროპულ ოჯახში, გვეუბნებიან, რომ ამ კანონის მიღება არა თუ შეაფერხებს, არამედ ძალიან დიდი კითხვის ნიშნის ქვეშ დააყენებს საქართველოს ინტეგრაციას ევროპულ ოჯახში. უჯანსაღესი ნაწილი იკრიბება ამ კანონპროექტის გასაპროტესტებლად და იმედი მაქვს, ეს პროტესტი მიზანს მიაღწევს.

ბოლო ამბები:

დათო გორგილაძე გორგილაძე: უჯანსაღესი ნაწილი იკრიბება ამ კანონპროექტის გასაპროტესტებლად

კომენტარები

კვირის ტოპ-5

გირჩევთ

ახლა კითხულობენ

შეიძლება იუპიტერის თანამგზავრზე დედამიწიდან სიცოცხლე მოხვედრილიყო — ზაზა ოსმანოვის კვლევა