განცხადება სააპელაციო სასამართლომ გაავრცელა.

რატომ არის მნიშვნელოვანი: 8 თებერვალს პირველმა ინსტანციამ ექსპრეზიდენტს სასჯელი არ გადაუვადა.

  • სააკაშვილის ოჯახის წევრები, ექიმები და ადვოკატები ექსპრეზიდენტის ჯანმრთელობის მკვეთრ გაუარესებაზე საუბრობენ და საზღვარგარეთ მის სამკურნალოდ გადაყვანას ითხოვდნენ.
  • ყოფილი პრეზიდენტის ჯანმრთელობის მდგომარეობაზე ცენტრ ემპათიის დასკვნაში ნათქვამია, რომ "მოსალოდნელია კომა და სიკვდილი".
  • სააკაშვილის სამკურნალოდ გადაყვანის თხოვნით საქართველოს ხელისუფლებას უკრაინის პრეზიდენტმა, საგარეო უწყებამ და ომბუდსმენმა არაერთხელ მიმართეს.

დეტალები: როგორც ნაციონალური მოძრაობის წევრი, ეკა ხერხეულიძე წერს, სასამართლომ საქმე დასწრების გარეშე "განიხილა".

  • სასამართლოს განცხადებაშიც ნათქვამია, რომ ზეპირი მოსმენის გარეშე განიხილეს სააკაშვილის ადვოკატების საჩივარი.
  • "საქმეში წარმოდგენილი მასალების/ინფორმაციის შესწავლის შედეგად მიიჩნია, რომ არ არსებობდა ზემოაღნიშნული საჩივრის დაკმაყოფილების სამართლებრივი საფუძველი. შესაბამისად, სააპელაციო სასამართლოს გადაწყვეტილებით უცვლელად დარჩა თბილისის საქალაქო სასამართლოს 2023 წლის 6 თებერვლის განჩინება", — ნათქვამია განცხადებაში.